Oqıǵa • 28 Sáýir, 2021

Tolǵanaı Hasen: «Bala daýysy» bala armanyn oryndaıdy

94 ret kórsetildi

Dál osy kúnderi Álııa Nazarbaeva qorynyń avtorlyq jobasy «Jandaný álemi» – ulttyq «Bala daýysy» balalar án baıqaýynyń altynshy maýsymyna qashyqtan irikteý ótip jatyr. Úmitkerlerdi anyqtaý mamyrajaı mamyrdyń bel ortasyna deıin jalǵaspaq. Mádenıet jáne sport mınıstrliginiń qoldaýymen ótip kele jatqan baıqaýǵa Nursultan Nazarbaev qory alty jyl boıy resmı seriktes bolyp keledi. Kishkentaı talanttardy tanytyp júrgen baıqaýdyń atqarýshy prodıýseri Tolǵanaı Hasen gazetimizge baıqaýdyń bıylǵy erekshelikteri men talaptary jóninde aıtyp berdi.

– Baıqaý ıdeıasymen barly­ǵymyz tanyspyz, dese de sah­na­nyń arǵy jaǵyndaǵy atqa­rylyp jatqan jumystan habarymyz az. Osy jyly balalar­dy irikteý kezeńine shaqyrý naý­qany qalaı ótip jatyr?

– Barlyq balalardy, olardyń ata-analary men ustazdaryn jańa maýsymnyń bastalýymen shyn júrekten quttyqtaımyz! Shyn máninde, turaqty negizde júzege asyrylatyn jobalar jyl saıyn kóp kúsh pen shyǵarmashylyqty qajet etedi. Qashyqtan irikteý ke­zeńiniń bastalýy týraly keńi­nen aqparattandyrý maqsatynda, birinshi kezekte, óńirlerdiń ákim­dikterimen, jalpy orta bilim beretin oqý oryndarymen, maman­dandyrylǵan mýzyka mektep­terimen yntymaqtastyq týraly kelisimge qol jetkizildi. Qo­sym­­sha tanymal jańalyqtar por­taldarynda jáne medıa-re­sýrstarda onlaın-kastıngke qa­tysý sharttary, sondaı-aq konkýrsty ótkizýdiń negizgi kezeń­deri jazylǵan maqalalar ornalastyryldy. Respýblıkalyq telearnalardyń efırinde jarnama formatynda anonstyq rolıkter kórsetildi. Osylaısha, bastapqy kezeńde jumystyń negizgi bóligi atqaryldy.

– Shynynda da, osyndaı aýqymdy konkýrsty ótkizý úshin myq­ty irgetas qalaý qa­jet. Al­tyn­shy maýsymnyń irik­teý kezeńinde qaı aımaqtar belsendi?

– Búgingi tańda 1 562-den astam ótinim qabyldanyp, óńdeldi. Biz ata-analarǵa, balalarǵa jáne olardyń muǵalimderine ótinish berýge degen baıypty jáne jaýapty kózqarasy úshin óte rızamyz. Bıyl jas talanttardyń shyǵarmashylyǵyn jeke-jeke maqtaýǵa turarlyq. Keıbir balalar teledıdarda kórsetýge bolatyn daıyn klıpterdi jiberedi. Irikteý kezeńiniń qatysýshylary ártistik, bı sheberligi, sahnalyq beınelerdiń jarqyn kórinisteri beıneótinim­der deńgeıin joǵary kóterdi. О́ńir­ler boıynsha kósh­basshylar Mańǵystaý, Almaty jáne Batys Qazaqstan oblystary, Nur-Sultan men Shymkent qalalary aldyńǵy orynda. Tany­mal kompozısııalarǵa ke­letin bolsaq, bizdiń jas oryn­daý­shylarymyzdyń tańdaýy ár- túrli. Balalar negizinen batys estradasynyń tanymal hıtterin, qazaq halyq ánderin oryndaıdy jáne bizdiń baıqaýymyzdyń avtorlyq ánderi úmitkerler arasynda tanymal bolǵany qýantady.

– Taǵy bir másele, biz áleý­mettik jelilerdiń róli men qa­shyq­tan aralasý múmkindiginiń art­qanyn túsindik. Osy formatta balalarmen qandaı jumys júrgiziledi?

– Iá, jas dostarymyz sııaqty biz de áleýmettik jelilerde belsendimiz. Bul únemi júrgizilip jatqan jumys. Turaqty negizde, ár apta saıyn Instagram-daǵy tikeleı efırler arqyly biz repertýardy, vokaldy damytý jattyǵýlaryn tańdaýǵa kómek kórsetý maqsatynda baıqaýdyń mýzykalyq prodıýseri Danııar О́tegenmen kezdesýler ótkizemiz.

– Al uıymdastyrýshylar osy jolǵy maýsymnan qandaı úmit kútedi jáne balalarǵa qandaı jańalyqtaryńyz bar?

– Birinshi kezekte, biz qaty­sýǵa ótinim jibergen ár balany maqtan tutatynymyzdy aıt­­qym keledi. Biz balalardyń talanty men batyldyǵyna tańdanamyz. Balalarǵa artar úmit nemese qandaı da bir mindettemeler joq. Múmkin sondyqtan balalar óz qabiletin jan-jaqty kór­setip, emin-erkin júrip, bizdi qýan­ta beretin shyǵar. Mundaǵy maqsatymyz – ár balaǵa nazar aýdarý, shyǵarmashylyǵyn shyńdaý, balalardyń armanyn oryndaý. Al altynshy maýsymnyń fınalıst-balalaryn vokal, ak­terlik sheberlik, horeografııa boıynsha jeke sabaqtar kú­tip tur. Olarmen 7-9 qazan ara­­ly­ǵynda Nur-Sultan qala­syn­da ótetin fınaldyq konsert­tik baǵ­darlamalarda óner kórsetý úshin qaıtalanbas jáne erekshe sahnalyq obraz jasaý úshin rejısserler, grafıka jáne ja­ryq boıynsha sýretshiler, dızaınerler, stılıster jumys isteıtin bolady. Aıtpaqshy bıyl balalar mýzykalyq toptyń súıe­meldeýimen mýzykalyq shy­ǵar­malardy oryndaıdy. Irikteý kezeńiniń árbir qaty­sýshysy ataý­ly dıplomdar ala­dy, al fınalıster baǵaly syı­lyqtarmen marapattalady. «Bala daýysy» jeńimpazy kon­kýrstyń alǵashqy kúnderinen bastap taǵaıyndalǵan ataýly bilim berý grantynyń ıegeri bolady.

– Áńgimeńiz úshin kóp rahmet, Tolǵanaı! Barlyq «Bala daýysy» shyǵarmashylyq ujymyna sáttilik tileımiz!

 

Áńgimelesken

Aıa О́MIRTAI,

«Egemen Qazaqstan»

 

Sońǵy jańalyqtar

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Uqsas jańalyqtar