Koronavırýs • 28 Sáýir, 2021

QazVac vaksınasy qalaı ázirlendi?

103 ret kórsetildi

Koronavırýstyń taralýyna jol bermeý jónindegi vedomstvoaralyq komıssııa otandyq QazVac (QazCovid-in) vaksınasynyń qalaı ázirlengendigi jaıynda málimet jarııalady, dep habarlaıdy Egemen.kz.

2020 jylǵy naýryz aıynda Qazaqstanda koronavırýspen aýyrǵan alǵashqy adam anyqtaldy. 23 naýryzda naýqastardan patologııalyq materıaldar alyndy. Materıaldan COVID-19 vırýsy bólinip, onyń bıologııalyq qasıetteri zertteldi. Osy ýaqyttan bastap qazaqstandyq ǵalymdar birden vaksına ázirleı bastady.

9 mamyrda ǵalymdar QazVac (QazCovid-in) vaksınasyn ázirlep shyǵardy. 15 mamyrda Densaýlyq saqtaý uıymy ony kandıdattyq vaksına retinde tirkedi jene ǵalymdar zerthanalyq janýarlarǵa egý arqyly klınıkaǵa deıingi zertteýdi bastady.

Maýsym aıynda QR Densaýlyq saqtaý mınıstrliginiń Dárilik zattardy saraptaý ulttyq ortalyǵy zertteýdiń oń nátıjelerin moıyndady. Shildede ǵalymdar ózderi jasap shyǵarǵan QazVac (QazCovid-in) vaksınasyn alǵashqy bolyp ózderine salǵyzdy. 17 qyrkúıekte 44 eriktiniń qatysýymen I kezeńniń klınıkalyq zertteýleri bastaldy. Nátıjesinde vaksına joǵary qaýipsizdigin kórsetti, eriktilerdiń jaǵdaıy qalypty.

17 qazanda klınıkalyq zertteýlerdiń II kezeńi bastalyp, oǵan 200 erikti qatysty. Nátıjesinde vaksına joǵary ımmýnogendilik pen tıimdiligin kórsetti. 19 jeltoqsanda Densaýlyq saqtaý mınıstrligi klınıkalyq zertteýlerdiń sońǵy III kezeńin júrgizýge ruqsat berdi, onyń aıasynda 3 myń eriktige QazVac (QazCovid-in) vaksınasy salyndy. Vaksına 21 kún aralyqpen 2 ret egiledi. Eriktilerdiń qanynda qajetti qorǵanys antıdeneleri paıda boldy.

Bilim jáne ǵylym mınıstri Ashat Aımaǵambetov, S. J. Asfendııarov atyndaǵy QazUMÝ rektory Talǵat Nurǵojın, Jambyl oblysynyń ákimi Berdibek Saparbaev QazVac (QazCovid-in) qazaqstandyq vaksınasyn klınıkalyq synaqtardan tys ózderine salǵyzdy.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Uqsas jańalyqtar