Aımaqtar • 29 Sáýir, 2021

Almatylyq polıseı áriptesin atyp tastady

133 ret kórsetildi

Almaty oblysynda polısııa qyzmetkeri janjal kezinde áriptesine oq atty, dep habarlaıdy Egemen.kz

27 sáýirde tún ortasynda Raıymbek aýdanynda eki polıseı arasynda janjal shyqqan. Saldarynan olardyń biri aýyr jaraqatpen Narynqol aýlyndaǵy aýrýhanaǵa jatqyzyldy.

«Anyq-qanyǵyn bilý úshin oqıǵa ornyna bardym. Nátıjesinde jaǵdaı anyqtaldy. Osy fakt boıynsha О́zindik qaýipsizdik basqarmasy QR Qylmystyq kodeksiniń 24-baby 3-bóligi, 99-baby 1-bóligi boıynsha sotaldy tergeý bastady. Sonymen qatar jedel qyzmettegi kemshilikter jáne jeke quramǵa baqylaýdy álsiretkeni úshin syrtqy qyzmetterdiń jumysyn qadaǵalaıtyn aýdandyq polısııa bóliminiń birinshi orynbasary qyzmetinen bosatyldy», dedi Almaty oblysy Polısııa departamentiniń bastyǵy Serik Kúdebaev.

Áriptester arasyndaǵy qaqtyǵys kezinde sol jaqta bolǵan qyzmetkerler de jumystan shyǵarylyp, birqatar laýazymdy tulǵa qatań tártiptik jaýapqa tartylǵan.

Qazirgi ýaqytta jambasyna oq tıgen jábirlenýshiniń jaǵdaıy qanaǵattanarlyq.

Sońǵy jańalyqtar

Uqsas jańalyqtar