Úkimet basshysynyń orynbasary Roman Sklıar orman-dala órtteriniń aldyn alý jáne olardy joıý máseleleri boıynsha tapsyrmalar berdi.
Tótenshe jaǵdaılar mınıstri Iýrıı Ilınniń tóraǵalyǵymen ótken komıssııa jumysyna ortalyq memlekettik organdardyń basshylary, ákimderdiń orynbasarlary, óńirlerdiń TJD bastyqtary qatysty. Roman Sklıar azamattardyń ómir qaýipsizdigin qamtamasyz etý, múlikti qorǵaý memlekettiń basym mindeti ekenin atap ótip, kúshter men quraldardyń jedel den qoıýǵa daıyndyǵyn qamtamasyz etýdi, sondaı-aq avıasııany tartýdy qarastyrýdy tapsyrdy.
Múddeli memlekettik organdarǵa ákimdiktermen birlesip tabıǵat qorǵaý jáne orman mekemelerin órt-tehnıkalyq jaraqtarmen jabdyqtaý, orman órt sóndirý stansalary men baqylaý munaralaryn salý jónindegi jol kartasyn ázirleý tapsyryldy.
Iý.Ilın qazirgi órt qaýipti kezeńge qatysty 43 myń adam, 9 myńnan astam tehnıka, sý aǵyzatyn qurylǵylary bar 10 tikushaq jáne iri órt bolǵan jaǵdaıda 46 órt sóndirý poıyzy bar kúshter men quraldardyń daıyndyǵy týraly aıtty. 4 myńnan astam erikti qurylym quryldy.
Ákimdikter 400-den astam órt sóndirý beketterin qurdy, olar 1273 eldi mekendi qorǵaýdy qamtamasyz etedi. Qabyldanǵan sharalar týraly ekologııa, geologııa jáne tabıǵı resýrstar vıse-mınıstri S.Brekeshev, О́rtke qarsy qyzmet komıtetiniń tóraǵasy N.Derbisov, birqatar oblys ákimderiniń orynbasarlary baıandady.
