«Elordanyń abattandyrylǵan aýdandary men shetkeri aımaqtardyń arasyndaǵy aıyrmashylyqty joıý úshin júıeli jumys júrgizip jatyrmyz. Aýqymdy jumys oryndaý qajet: qarapaıym elektr, sý, káriz júıelerinen bastap, jeke sektorǵa gaz júrgizý, áleýmettik nysandar, joldar salýǵa, abattandyrýǵa jáne gúlzarlar ashýǵa deıin. Osy jumystardyń ózine birneshe jyl qajet bolady. Birtindep shetkeri aımaqtar yńǵaıly shaǵyn aýdandarǵa aınalmaq. Qalada 16 eldi meken bar. Elordanyń árbir tórtinshi turǵyny eldi mekende turady», dep jazdy ákim.
Onyń aıtýynsha Jeleznodorojnyı eldi mekeniniń turǵyndary joldardy asfalttaý, kósheni jaryqtandyrý, qosymsha avtobýs marshrýttaryn iske qosý, kárizge baılanysty máselelerdi kótergen. Kezdesýde turǵyndarǵa bolashaq qoǵamdyq keńistiktiń eskızi kórsetilgen.
«Eger jol jumystaryna toqtalatyn bolsaq, bıyl 100-den astam kóshe salyp, jóndeýdi josparlap otyrmyz. Sonymen qatar bıyl 37 kóshede jóndeý jumystary júrgizildi.
О́tken jyldaǵydaı, qalanyń eski bóligine, eldi mekenderge, qozǵalys qarqyndylyǵy joǵary áleýmettik nysandar men kóshelerge aparatyn joldarǵa basa nazar aýdaramyz.
О́tken jyly eldi mekenderde 100-den astam, al jalpy qala boıynsha 170-ten astam kóshege asfalt tósedik», delingen jazbada.
Sonymen qatar Elbasynyń aýqymdy jobasy iske asyrylady, gaz júrgiziledi. Eldi mekenderde 345 km oramishilik gaz taratý jelileri salyndy. Jylytý maýsymynda (2020-2021 jj.) Jeleznodorojnyı, Kóktal-2, Agroqalashyqtyń bir bóliginiń turǵyndary gazǵa qosylý múmkindigin aldy. Jańa jylytý maýsymynda gazǵa qosylý múmkindigin Ońtústik-Shyǵys, Promyshlennyı, Kóktal-1, Agroqalashyq eldi mekenderiniń turǵyndary alady.
Sonymen qatar eldi mekenderde 13,5 km ınjenerlik jeliler, 5 km-den astam káriz ben sý qubyry, 3 km-den astam nóser kárizi salyndy.
«Aldaǵy jyldary Nur Otan partııasynyń saılaýaldy baǵdarlamasyna sáıkes taǵy 130 km sýmen jabdyqtaý jáne sý burý jelilerin, 85 km nóser kárizin, qosalqy stansa men 177 km elektrmen jabdyqtaý jelilerin, 23 km jylýmen jabdyqtaý jelilerin, 3 keshen nóser kárizderin tazartý qurylystaryn salamyz.
О́tken jyly 40 qoǵamdyq keńistik: saıabaqtar, skverler, býlvarlar jańadan abattandyryldy. (Kóktal-1, Kóktal-2, Agrogorodok, Internasıonalnyı, óndiris jáne t. b.). Qaraýsyz qalǵan jerler qazir jergilikti turǵyndardyń jaqsy kóretin oryndaryna aınaldy.
Taǵy da 50 saıabaq pen skver qurý, 120 km astam velosıped joldaryn salý jáne t. b. josparda bar.
Eki mektep salyndy. Mysaly, Mıchýrıno eldi mekeninde buryn birde-bir mektep bolǵan joq. Balalar beıimdelgen bólmede oqydy. Shetkeri aımaqtarda taǵy 6 mektep salý, birqatar medısınalyq ortalyqtar ashý, áleýmettik qoljetimdi turǵyn úı salý josparda bar. О́ndiris, Kóktal, Ilınka, Jeleznodorojnyı eldi mekenderinde dene shynyqtyrý-saýyqtyrý keshenderiniń qurylysyn júrgizip jatyrmyz. Onda sportpen shuǵyldanýǵa arnalǵan kabınetterden basqa qart adamdarǵa arnalǵan qyzyǵýshylyq klýbtary, HQKO, polısııa pýnktteri, poshta bólimsheleri jáne t. b. ornalasady. Olardy bıyl ashamyz.
Osylaısha bizdiń maqsatymyz – elordanyń shetkeri aımaqtaryn jaıly shaǵyn aýdandarǵa aınaldyrý. Turǵyndarǵa qajet barlyq áleýmettik nysandar, tıisti ınfraqurylym men demalys oryndary bar. Osy baǵyttardyń barlyǵyn elordamyz damyp kele jatqan «Nur-Sultan – jaıly qala» master-josparyna engizdik. Turǵyn úı alaptaryn turaqty túrde aralaımyz, qala turǵyndarymen únemi kezdesip otyramyz. Shetkeri aımaqtardy damytýǵa turǵyndardyń ózderin tikeleı tartamyz.
Memleket basshysy eldi mekenderdi damytýǵa erekshe nazar aýdarýdy tapsyrdy», dep jazdy elorda ákimi.
