Eske sala keteıik, Prezıdent Qasym-Jomart Toqaev respýblıkalyq jáne jergilikti joldardyń qurylysy men jóndeý jumystaryn jáne baqylaýdy bosańsytyp alǵany úshin Aqtóbe oblysy ákiminiń birinshi orynbasary Nurjaýǵan Qalaýovty qyzmetten bosatqan edi.
Al búgin oblys ákiminiń birinshi orynbasary qyzmetine Rýslan Hambarov taǵaıyndaldy. Ol Qazaq menedjment, ekonomıka jáne boljaý ınstıtýtyn, «Turan-Astana» ýnıversıtetin támamdaǵan.
Eńbek jolyn 2010 jyly «QazSınk» JShS qarjy jónindegi vıse-prezıdentiniń kómekshisi retinde bastaǵan. Ár jyldary Qarjy mınıstrligi Salyq komıtetiniń, Shyǵys Qazaqstan oblystyq Salyq departamentiniń, О́skemen qalasy boıynsha basqarmasynyń bas mamany, Qarjy mınıstrligi Salyq komıteti Astana qalalyq Salyq departamentiniń Saryarqa aýdany boıynsha basqarmasynyń bas mamany, bólim basshysy, 2018 jyldyń shilde aıynan bastap 2020 jyldyń naýryz aıyna deıin Qarjy mınıstrligi Salyq komıtetiniń Aqtóbe oblysy boıynsha Memlekekttik kirister departamenti basshysynyń orynbasary laýazymynda jumys istegen.
Prezıdenttik jastar kadr rezerviniń múshesi, 2020 jyldyń naýryz aıynan bastap Aqtóbe oblysy ákiminiń orynbasary boldy.
