COVID-19-ǵa qarsy vaksınanyń birinshi dozasyn erikti negizde 1 293 379 adam jáne 266457 adam vaksınanyń ekinshi dozasyn aldy.
Álemdik reıtıngine sáıkes Qazaqstan 177 eldiń ishinde 30 sáýirdegi jaǵdaı boıynsha koronavırýstyq ınfeksııaǵa qarsy vaksınasııalanǵandardyń absolıýtti sany boıynsha 51 - orynda tur.
Vaksınasııa qarqyny qazir azamattardyń ózderiniń sanaly kózqarasyna, jaqyndarynyń densaýlyǵy men jalpy ımmýnıtettiń paıdasyna olardyń durys tańdaýyna baılanysty ekenin atap ótken jón.
Bul rette, vaksınasııa erikti negizde júzege asyrylady jáne el turǵyndarynyń vaksınalardyń úsh túrin (SputnikV, QazVac jáne HayatVax) tańdaý múmkindigi bar.
Respýblıka boıynsha 2021 jylǵy 30 sáýirdegi vaksınasııalaýdyń táýliktik qarqyny 109 myńǵa deıin ósti jáne aǵymdaǵy jylǵy 1 sáýirdegi derektermen salystyrǵanda 11 esege ulǵaıdy.
Halyq belsendiliginiń osy qarqynyn saqtaý aı saıyn shamamen 2 mln.halyqty vaksınasııalaýmen qamtýdy qamtamasyz etýge múmkindik beredi.
Qazaqstanda qoldanylatyn vaksınalar qaýipsizdik pen tıimdilikke tekserýden ótti, sondyqtan olar koronavırýstyq ınfeksııany juqtyrýǵa qarsy dáleldengen qural bolyp tabylady. Búgingi tańda tek vaksınasııa eldegi epıdemıologııalyq jaǵdaıdy turaqtandyrýǵa múmkindik beretinin esten shyǵarmaý kerek.
Qazirgi ýaqytta búkil álemde koronovırýstyq ınfeksııanyń taralýynyń kúrt ósýi baıqalady. Osylaısha, Dúnıejúzilik densaýlyq saqtaý uıymynyń statıstıkalyq derekterine sáıkes aǵymdaǵy jylǵy 30 sáýirdegi jaǵdaı boıynsha COVID – 19 juqtyrýdyń 151 104 146 jaǵdaıy tirkeldi, onyń ishinde 128 987 465 adam qalpyna keldi, 3 178 208 qaıtys boldy, ólim – jitim kórsetkishi 2,1% – dy quraıdy.
Bir táýlik ishinde 879 586 jaǵdaı tirkelgen, koronavırýstyq ınfeksııamen aýyratyndardyń jalpy sanynyń ósýi – 0,6% quraıdy.
