Qazaqstan Prezıdenti Qyrǵyzstan shekarasynda qalyptasqan shıelenisti ahýalǵa baılanysty alańdaýshylyq bildirip, bul jaǵdaı kórshi memleketter men olardyń azamattaryna qaýip tóndiretinin aıtty.
Qasym-Jomart Toqaev shekara syzyǵyn belgileý sııaqty kúrdeli máseleler ózara senim men dostyqqa negizdele otyryp, konstrýktıvti kelissózder barysynda sheshilýi kerek ekenin atap ótti. Memleket basshysynyń aıtýynsha, mundaı jaǵdaıda ózara ustamdylyq tanytyp, kúsh qoldanýǵa jol bermeý asa mańyzdy.
Qasym-Jomart Toqaev aldaǵy ýaqytta osyndaı qaqtyǵystardy boldyrmaý jóninde tıimdi kelisimge qol jetkizý úshin Dýshanbede joǵary deńgeıde kezdesý ótkizý týraly ýaǵdalastyqty qoldady.
Emomalı Rahmon Qasym-Jomart Toqaevqa shekaradaǵy qaqtyǵystyń tarıhy men qazirgi qalyptasqan jaǵdaı týraly tolyq aqparat berdi.
Memleketter basshylary Ortalyq Azııa óńirindegi ahýalǵa qatysty pikir almasý maqsatymen turaqty baılanysta bolýǵa ýaǵdalasty.
Eki eldiń quzyrly vedomstvolary joǵary deńgeıdegi kezdesýge daıyndyq jumystaryn júrgizedi.
