Aımaqtar • 04 Mamyr, 2021

NIS oqýshysy Danıal Sýltanov halyqaralyq olımpıada jeńimpazy atandy

37 ret kórsetildi

Almaty qalasyndaǵy hımııa-bıologııa baǵytyndaǵy Nazarbaev Zııatkerlik mektebiniń oqýshysy Danıal Sýltanov Reseıdiń Ulttyq tehnologııalyq bastamalar halyqaralyq olımpıadasynda jeńimpaz dep tanyldy, dep habarlaıdy Egemen.kz

Danıal «Jasandy ıntellekt» arnaıy beıini boıynsha «Halyqtar dostyǵy» atalymynda birinshi oryndy ıelendi.

Olımpıadany uıymdastyrýshylardyń qatarynda  «Úıirme qozǵalysy» jáne UTB «Platformasy», Reseıdiń Ǵylym jáne joǵary bilim, oqý-aǵartý mınıstrligi, sondaı-aq Strategııalyq bastamalar agenttigi men venchýrlyq kompanııa bar. Jasandy ıntellekt salasyndaǵy úzdik oqýshylardy quttyqtaǵan Sberbank Prezıdenti-Basqarma tóraǵasy German Greftyń aıtýynsha, budan bes jyl buryn AI jaıynda sırek qozǵalǵan taqyryp bolatyn. Al búginde  AI qaıta órleý, jandaný kezeńimen baılanysty. German Gref qatysýshylarǵa sát-sapar tilep, olardyń kásibı alańdarda mol tájirıbe jınaqtaıtyndyqtaryna senim artty.

Bıylǵy jylǵy olımpıada jańa rekord ornatty. О́ıtkeni, barlyq trekter boıynsha Reseıdiń 85 óńiri men shetelderden 100 myńnan astam ótinish kelip túsken. Osy oraıda bes myńnan astam oqýshy osy alańda jasandy ıntellekt pen sý asty robototehnıkasynan bastap genomdyq óńdeý, VR tehnologııasyna deıingi otyzǵa jýyq tehnologııalyq baǵytty qamtý múmkindigine ıe boldy. Al «Aqparattyq qaýipsizdik», «Jasandy ıntellekt», «Bıznes prosesterdi avtomattandyrý» eń tanymal degen IT profılder qataryn tolyqtyrdy.

UTB «Jas mamandar» baǵyty dırektorynyń orynbasary Iýlııa Hanjına «Fınalda qatysýshylar tek tehnologııalyq tapsyrmalardy ǵana sheship qoıǵan joq. Oqýshylar aldynda jasandy ıntellekt, robototehnıka, ǵarysh ındýstrııasy salasyndaǵy jetekshi kompanııalarda jumys isteıtin mamandar aınalysatyn jańa syn-qaterler turdy. Joǵary synyp oqýshylary eresek áriptesterin basyp ozatyndaı qyzyqty sheshimderdi usyna bildi,  –  dep atap ótse, «Úıirme qozǵalysy» jumys tobynyń jetekshisi Dmıtrıı Zemsovtyń aıtýynsha, «Jasandy ıntellekt» beıininiń fınalynda oryssha mátinderdi mashınalyq túsiný salasy erekshe nazar aýdarady. Oqýshylar bir jyl boıy osyndaı tapsyrmamen jumys istegen reseılik data-science qoǵamdastyǵy qol jetkize almaǵan nátıjeni kórsetti». Al Danıal jasandy ıntellektiń bolashaqpen baılanysty, jańa zaman suranysynan týyndaǵan qajettilik ekendigin jetkizdi. Onyń aıtýynsha, trendte bolý, oqý, izdenýde olımpıada úlken álemge jol ashady.

Bıylǵy jyly fınalıster jasandy ıntellekt, mashınalyq oqytý, vırtýaldy álem, genomdyq óńdeý sııaqty suranysqa ıe tehnologııalarmen baılanysty máselelerge nazar aýdardy. Qorytyndy saıysqa júzden astam oqýshy qatysyp, olardyń aldynda arnaıy algorıtm qurý mindeti tursa, sońǵy synaqta qatysýshylarǵa «Krıstofarı» sýperkompıýterimen jumys isteý múmkindigi týdy.

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar