Aımaqtar • 05 Mamyr, 2021

Naýqastardyń 45%-y adam kóp jınalatyn oryndarǵa barǵan – sanıtarlyq dáriger

17 ret kórsetildi

Elordanyń bas memlekettik sanıtarlyq dárigeri Sarhat Beısenova qala turǵyndaryn shekteý sharalary men sanıtarlyq normalardy, sondaı-aq úı karantıni talaptaryn tolyqtaı saqtaýǵa shaqyrdy, dep habarlaıdy Egemen.kz elorda ákimdiginiń resmı saıtyna silteme jasap.

«Epıdanamnezde naýqastardyń 45%-y adam kóp jınalatyn oryndarǵa (saýda-oıyn ortalyqtary, qoǵamdyq tamaqtaný obektileri jáne t.b.) birneshe ret barǵan, naýqastardyń 1%-y buqaralyq is-sharalardy (úılený toılary, keshter, eske alý jáne t.b.) ótkizýge qatysqanyn, al 32%-y úı oshaǵynda saqtyq sharalaryn saqtamaǵan», dep habarlady Sarhat Beısenova.

Ol ambýlatorııalyq naýqastardyń da, jaqyn baılanysta bolǵan adamdardyń da shekteý sharalary men karantındi saqtamaýy koronavırýstyq ınfeksııa jaǵdaılaryn tirkeýdiń negizgi sebebi bolyp qala beretinin atap ótti.

5 sáýir men 4 mamyr aralyǵynda «Ashyq» qosymshasy boıynsha jumys isteıtin obektilerde 880 úı karantınin buzýshy anyqtaldy, onyń ishinde 414 – naýqas jáne 466 – baılanysta bolǵan adam.

«Qurmetti elorda turǵyndary men qonaqtary! Qaladaǵy epıdemıologııalyq jaǵdaı turaqsyz bolyp qalýda. «Qyzyl» nemese «sary» statýsy bar turǵyndar COVID-19 tasymaldaýshylary bola otyryp, megapolıstiń qoǵamdyq oryndarynda júrip, ımmýnıteti tómen, qarttar men balalar, sondaı-aq basqa da qaýip tobyndaǵy adamdarǵa juqtyrady. Osylaısha, Nur-Sultan qalasynyń «qyzyl» aımaqta bolý kezeńin uzartyp, COVID-19 boıynsha syrqattanýshylyqtyń kúndelikti ósýine áser etýde. Osy sebepti qala turǵyndaryna, ásirese úı karantınindegi adamdarǵa, sondaı-aq kásipkerlik sýbektilerine aıtarym, barlyq shekteý sharalary men sanıtarlyq erejelerdi saqtańyzdar, bul ınfeksııanyń taralýyn tómendetýge jáne aýrý qaýpin azaıtýǵa múmkindik beredi», dedi Sarhat Beısenova qala turǵyndaryna.

Sońǵy jańalyqtar

PIK pen MIB-tiń «shaıqasy»

Qazaqstan • Keshe

Plastık qaptamanyń álegi

Ekologııa • Keshe

Kólikqumarlarǵa arnaldy

Ekonomıka • Keshe

Qymbat em-dom qoljetimdi

Medısına • Keshe

О́lke táji – О́leńti

Aımaqtar • Keshe

Aqshoqyda arqar atqan...

Aımaqtar • Keshe

Jastarǵa janashyr joba

Qoǵam • Keshe

Týrıster qyzyǵatyn ólke

Týrızm • Keshe

Uqsas jańalyqtar