Qazaqstandyq Flyarystan loýkosteriniń baspasóz qyzmetiniń málimetinshe, Almaty men Nur-Sultannan Túrkistan arqyly Bishkekke turaqty reıster aptasyna eki ret - 31 mamyrdan bastap dúısenbi jáne beısenbi kúnderi júzege asyrylady. Bıletterdi qazir mobıldi qosymshanyń kómegimen nemese kompanııanyń resmı saıtynan satyp alýǵa bolady.
Loýkosterdiń kommersııalyq dırektory Janar Jaılaýovanyń aıtýynsha, halyqaralyq baǵyttardy arttyrý flottyń keńeıýiniń arqasynda múmkin boldy. Mamyr aıynda kompanııa 10-shy Airbus A320-ny qosty.
«Biz Qyrǵyzstan men Qazaqstan arasynda Kedergisiz júrýge múmkindik beretin jańa halyqaralyq reısti usyna otyryp, marshrýttyq jeliniń keńeıtilgeni týraly qýana habarlaımyz. Qoljetimdi tarıfter men minsiz toǵysýlar qazaqstandyqtar úshin Nur-Sultan men Almatydan Túrkistan arqyly Bishkekke saıahattaýǵa kóbirek múmkindik beredi» dedi ol.
Aıta keteıik, FlyArystan ushaqtary Qazaqstannyń 14 qalasy arasynda reısterdi oryndaıdy, al naýryz aıynda kompanııa Túrkistandy Ystambulmen baılanystyryp, 2 mamyrda Atyraý, Aqtaý jáne Nur-Sultan qalalarynan grýzııalyq Kýtaısıge turaqty reısterdi oryndaı bastady.
