Bilim baǵdarlamasynyń tusaýkeserine Aqparat jáne qoǵamdyq damý vıse-mınıstri Kemelbek Oıshybaev, respýblıkalyq basylymdardyń bas redaktorlary jáne jetekshi buqaralyq aqparat quraldarynyń ókilderi men medıa-menedjerler qatysty.
«Bizdiń zertteýlerimiz boıynsha elimizde bir jyl ishinde 1000-nan astam jýrnalıst 34 joǵary oqý ornyn bitiredi. Biraq jýrnalıstıka salasynda qyzmet etetin túlekter kórsetkishi 60%-ǵa jetpeıdi. Demek joǵary oqý oryndarynda oqý prosesi áli jetildirilmegen, áli de qıyndyqtar bar. KAZGIýÝ myqty ýnıversıtet bolǵandyqtan, jýrnalıstıka mamandyǵy der kezinde ashylýda. Aldaǵy ýaqytta jańa mamandyqqa mınıstrlik tarapynan qoldaý kórsetýge ázirmiz», dep atap ótti Aqparat jáne qoǵamdyq damý vıse-mınıstri Kemelbek Oıshybaev.
KAZGUU Basqarma tóraǵasy Talǵat Nárikbaevtyń aıtýynsha, jańa bilim berý baǵdarlamasynyń maqsaty – quqyqtyq jáne ekonomıkalyq salada, ásirese sybaılas jemqorlyqqa qarsy saıasat salasynda tereń bilimi bar analıtık-jýrnalıst mamandar daıyndaý.
«Analıtıkalyq jýrnalıstıkanyń bolýy jalpy álemdik úrdis jáne ýaqyt talaby. Atalǵan bilim baǵdarlamasyn tańdaǵan stýdentter quqyq, ekonomıka salasynda keń bilim alyp, tıisti aqparatty izdeý, taldaý jáne irikteý, fakt-chekıng daǵdylaryn meńgerip, jýrnalıstik zertteýler júrgizetin bolady», dep qortyndylady Talǵat Nárikbaev.
