Jer qatynastary salasyna baılanysty máseleler boıynsha óńir turǵyndaryna qoldaý kórsetýdi kózdeıtin tyń joba oblystyq jer paıdalanýdy jáne qorǵaýdy baqylaý basqarmasy men «Qostanaı – adaldyq alańy» jobalyq keńsesiniń bastamasymen qolǵa alynyp otyr.
Joba jetekshileriniń sózinshe, front-keńse mamandary ózderine júgingen kez kelgen azamattyń jer kezegine tirkelýin, jer qujattaryn zańdastyrýdy uıymdastyrady jáne quqyqtyq turǵydan aqyl-keńes beredi.
«Memlekettik mekeme men azamattardyń arasyndaǵy baılanysty jeńildetý baǵytynda biz osyndaı jumys formatyn qarastyryp otyrmyz. Munda bilikti mamandar halyqqa ashyq jáne qoljetimdi túrde kómek kórsetetin bolady. Front-ofıs jerdiń paıdalanylýy men qorǵalýyn baqylaý basqarmasyna kelip túsken ótinishter boıynsha jumys júrgizedi. Keńse jumysy azamattardyń ótinishteri men talaptaryn jan-jaqty zerdeleýge, barynsha ashyqtyqqa jáne turǵyndarǵa qolaıly jaǵdaı jasaýǵa baǵyttalǵan», dedi «Qostanaı – adaldyq alańy» jobalyq keńsesiniń jetekshisi Anjela Áljanova.
Byltyr óńirdiń barlyq qalalary men aýdan ortalyqtarynda dál osyndaı front-keńseler ashylǵanyn aıta ketken jón. Bul keńseler turǵyndar tarapynan jıi suranysqa ıe áleýmettik mańyzy bar máseleler boıynsha tegin qyzmet kórsetedi.
