Otan qorǵaýshylar kúni qarsańynda Prezıdent Q.Toqaevtyń Jarlyǵymen úlgili qyzmeti, zańdylyq pen quqyqtyq tártipti nyǵaıtý isine adaldyǵy úshin Tóraǵanyń birinshi orynbasary Oljas Bektenovke II dárejeli «Dańq» ordeni tabys etildi, al Tóraǵanyń orynbasary Nurlan Shabdarǵa 3-sanatty joǵary biliktilik synyby berildi.
Sondaı-aq Agenttik Tóraǵasy Memleket basshysynyń atynan Agenttiktiń apparat basshysy Q.Japaqovqa, Agenttiktiń departament basshysy M.Ahmetovke, Agenttiktiń Atyraý oblysy boıynsha departamentiniń basshysy Q.Súleımenovke jáne Agenttiktiń basqarma basshysy Q.Ahmetqalıevke II dárejeli «Aıbyn» ordenin saltanatty túrde tabys etti.
«Qurmet» ordenimen Agenttiktiń departament basshysy L.Iyldyz, «Erligi úshin» medalimen Agenttiktiń asa mańyzdy ister jónindegi ofıseri B.Tólebaev, «Eren eńbegi úshin» medalimen Agenttiktiń Jambyl oblysy boıynsha departamentiniń bólim basshysy G.Týbaev jáne basqalary, barlyǵy 15 qyzmetker marapattaldy.
Sondaı-aq, Agenttik Tóraǵasynyń buıryǵymen úlgili qyzmeti jáne jumysynda joǵary nátıjelerge qol jetkizgeni úshin vedomstvolyq nagradalarmen 83 qyzmetker marapattaldy.
«Búgin marapattalǵan qyzmetkerler Elbasy men el Prezıdentiniń saıasatyn júzege asyrýǵa qosqan úlesi úshin atap ótildi. Bizge Otanymyz – Qazaqstan Respýblıkasyn qorǵaýdy ósıet etti. Sondyqtan Sizderge elimizdiń jáne halqymyzdyń ıgiligi úshin, óz paryzdaryńdy abyroımen jáne maqtanyshpen oryndap, budan ári de eńbektenýlerińizge tilektespin», dedi M.Ahmetjanov.
