Ashylý saltanatyna Qazaqstannyń Reseıdegi elshisi Ermek Kósherbaev pen Máskeý qalasy Basman aýdany basqarmasynyń basshysy Irına Lesnyh qatysty.
Fotokórme Aleksandr Grıboedov eskertkishiniń janyndaǵy adam kóp júretin jerde ornalasqan. Ekspozısııada Nursultan Nazarbaev Qorynyń, QR Qarýly Kúshteri Ulttyq áskerı-patrıottyq ortalyǵynyń Áskerı-tarıhı murajaıynyń, QR Aqparat jáne qoǵamdyq damý mınıstrliginiń jáne «Kazakh Tourism» ulttyq kompanııasynyń muraǵattarynan alynǵan biregeı fotosýretteri bar 16 stend usynylǵan.
Qazaqstan elshisi fotokórmeni uıymdastyrýǵa kómek kórsetkeni úshin Máskeý qalasy Basman aýdany basqarmasynyń basshysyna alǵys aıtyp, onyń eki eldiń mádenı-gýmanıtarlyq ómirindegi mańyzdylyǵyn atap ótti. Ol Jeńis kúni qarsańynda, ásirese, jas urpaqqa ata-babalarynyń erlikteri týraly tarıhı shyndyqty jetkizý óte mańyzdy ekenin aıtty. E. Kósherbaev kórme máskeýlikter men qala qonaqtaryna qyzyqty ári paıdaly bolatynyna úmit bildirdi. Onyń pikirinshe, sıfrlyq tehnologııalardyń qarqyndy damýy dáýirinde de fotostendterdiń dástúrli formaty burynǵysynsha suranysqa ıe jáne ózekti bolyp qala beredi.
Kórmeni Qazaqstannyń Reseıdegi Elshiligi Nursultan Nazarbaev Qorynyń qoldaýymen uıymdastyrdy jáne ol 16 mamyrǵa deıin jalǵasady.
