Qala ákimi Gúljan Qurmanbekovanyń bastamasyna qoldaý tanytqan jergilikti kásipker osylaısha toıhana ǵımaratyn ardagerler ortalyǵyna aınaldyryp otyr. Zamanaýı úlgide qaıta jabdyqtalǵan ortalyqtyń ashylý saltanatyna Túrkistan oblysynyń ákimi О́mirzaq Shókeev qatysyp, qarııalardyń qýanyshyna ortaqtasty. Ardagerler ortalyǵynda qalalyq ardagerler keńesi men onda jumys isteıtin azamattarǵa arnalǵan kabınetter, shahmat-doıby, bılıard, tennıs ústelderi bar. Sonymen birge tuzben emdeý jáne sensorlyq bólme, terapevt dárigeri men massaj bólimi barlyq qajetti jabdyqtarmen qamtylǵan. Arys qalasyndaǵy 6200-den astam ardagerlerge qyzmet etetin, «belsendi ómir súrý uzaqtyǵy» qaǵıdaty boıynsha jumys isteıtin ortalyqta kitaphana men sporttyq trenajerlar da bar.
Qala ákimi Gúljan Mamytqyzynyń aıtýynsha, merekege oraı tartý etilgen ǵımarattaǵy úılestirý jumystaryn Arys qalalyq jumyspen qamtý jáne áleýmettik baǵdarlamalar bólimine qarasty «Asyl júrek» áleýmettik ortalyǵy júrgizetin bolady.
Túrkistan oblysy
