Búgin Rıdder ormanshylyǵynyń 2 gektardaı alqabyn qyzyl jalyn sharpydy.
Oqıǵa ornyna oblystyq Tótenshe jaǵdaılar departamentiniń orman sharýashylyǵy jáne órt sóndirý qyzmetkerleri jetti. О́rt sóndirýge barlyǵy 6 tehnıka jáne jeke quramnan 100-den astam adam jumyldyryldy.
Tilsiz jaý lapyldap bara jatqandyqtan, MI-8 avıaormanqorǵaý tikushaǵy da kókke kóterildi. Mamandardyń pikirinshe, órt abaısyzdyqtan shyqqan.
Tótenshe jaǵdaı departamenti qyzmetkerleri tabıǵatta otqa asa saqtyqpen qaraý kerektigin eskertedi. Múmkin bolsa, ot jaqpaýǵa keńes beredi. Aıta keterligi, órt qaýipsizdigi erejelerin saqtamaǵany úshin ákimshilik jaýapkershilik qarastyrylǵan.
