О́ner • 10 Mamyr, 2021

Kóktemniń jeńis sımfonııasy

105 ret kórsetildi

9 mamyr kúni «Astana Opera» sahnasy mazmundy konserttermen qarsy alady. Úlken zalda tyńdarman qaýym nazaryna «Kóktemniń jeńis sımfonııasy» jarqyn baǵdarlamasy usynylyp, kameralyq zalda «Estelik ári dańqty ánder» konserti oryndalady.

«Astana Opera» ártisteri merekelik repertýardy aıryqsha jaýapkershilikpen ázirledi. Konsertterdiń baǵdarlamasy beıbitshilik úshin aıanbaı kúresken qaısar jandardyń batyrlyq pen batyldyqqa toly ómir joly týraly mádenı estelik­terdi sahna tórine shyǵarýdy kózdedi.

Tyńdarman nazaryna usynylǵan «Kóktemniń jeńis sımfonııasy» konser­tiniń avtory – maestro Abzal Muhıtdın «Astana Opera» sımfonııalyq orkestrine jetekshilik etedi. Tanymal dırıjer klas­sıkalyq mýzyka jaýharyn – D.Shos­takovıchtiń №7 sımfonııasyn («Le­nın­­gradtyq») oryndady. Atalǵan mý­zy­kalyq shyǵarmada soǵystyń qasi­ret­ti alǵashqy aılarynda týǵan, onda lenıngradtyqtardyń óz qalasy men eline degen jankeshtiligi men sheksiz mahabbaty, eń bastysy – jeńiske degen qaltqysyz senimi baıandalady. Keshti R.Glıerdiń orkestr men koloratýralyq sopranoǵa arnalǵan konserti jalǵastyrdy, soprano partııasyn Bashqurtstannyń eńbek sińirgen ártisi Alfııa Karımova usyndy. So­nymen qatar R.Shtraýstyń goboı men orkes­trge arnalǵan konserti shyrqalyp, goboı­dyń jeke partııasyn halyqaralyq baı­qaýlardyń laýreaty Islam Álıev oryndady.

Al kameralyq zalda opera ónersúıer qaýymǵa arnalǵan «Estelik ári dańqty ánder» konserti baǵdarlamasyna opera solısteri, hor ártisteri men orkestrdiń oryndaýyndaǵy qazaq, orys jáne batys eýropalyq klassıkanyń ozyq úlgileri, sonymen qatar soǵys jyldaryndaǵy tanymal ánder men súıikti áýender endi. Jámıla Jarqymbaevanyń oryndaýynda M.Isakovskııdiń sózine jazylǵan kóp­­shilik súıip tyńdaıtyn «Ogonek» áni shyrqaldy, Aızada Qaponova M.Isa­kov­skııdiń sózi men M.Blanterdiń mýzykasyna jazylǵan «Katıýsha» kompozısııasymen óner kórsetti. Al Almat Izbambetov pen Muqan Tólebaevtyń «Tos, meni tos» ánin usynsa, Býlat Okýdjavanyń sózi men mýzykasyna jazylǵan ataqty «Nam nýjna odna Pobeda» ánin kórermender kóp jyldar boıy oryndaýshymen birge shyrqap keledi.

– Mádenıet pen ónerimizdi damytýǵa, sáttilikterimizge qýanýǵa, jospar quryp, erteńgi kúnimizge úlken senimmen qaraýǵa múm­kindik bergen barlyq batyrymyz­dy qurmetteımiz, olar bizdiń máńgi j­a­dy­myzda. Osy bir aıryqsha kúni so­ǵys jolyn abyroımen ótken barsha jan­ǵa súıispenshilik pen erekshe qurme­timiz­di bildiremiz, barlyǵyn merekemen qut­tyqtaımyz. Myqty densaýlyq, birlik pen kúsh-qýat tileımiz, – dep atap ótti «Astana Opera» ártisteri.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar