Oblystyq polısııa departamenti baspasóz qyzmetiniń aqparatyna qaraǵanda, túngi saǵat 1:00 shamasynda patrýldik polısııa qyzmetkerleri Atyraý qalasyndaǵy «Barmaglot» meıramhanasynyń tusynda «Vaz 2110» markaly avtokóliginiń joldyń qarsy baǵytyna shyqqany úshin toqtatpaq bolǵan. Biraq, avtokólik júrgizýshisi polısııa qyzmetkerlerinen qashyp ketken.
«Keıin atalǵan avtokólikti toqtatqan kezde 23 jastaǵy júrgizýshiniń polısııa qyzmetkerleriniń zańdy talabyna baǵynbaı qarsylyq tanytqan. Júrgizýshiniń kólik basqarýǵa quqyǵy joq ekeni belgili boldy. Sol sebepten, kólik júrgizýshisine qatysty QR Ákimshilik quqyqbuzýshylyq týraly Kodeksiniń 667-babynyń 1-bóligimen (Polısııa qyzmetkerleriniń zańdy talabyna baǵynbaý) ákimshilik hattama toltyrylyp, jınaqtalǵan is-qujattar zańdy sheshim qabyldaý úshin ákimshilik sotqa joldandy. Sondaı-aq 596-babynyń 5-bóligimen (Júrgizýshi kýáligi joq kúıde joldyń qarama-qarsy baǵytyna shyǵý), 612-babynyń 2-bóligimen (Júrgizý quqyǵy joq kúıde), 613-babynyń 1-bóligimen (Polısııa qyzmetkerleriniń toqtatý talabyn oryndamaý) ákimshilik hatttamalar toltyrylyp, 291 700 teńge kóleminde aıyppul salyndy» dep habarlady departamenttiń baspasóz qyzmetinen.
