Tańerteńgilik bir-bir velosıped mingen halyq qalaýlylary qala shetimen 14 shaqyrym júrip ótip, Tobyl jaǵalaýyndaǵy Táýelsizdiktiń 25 jyldyǵy atyndaǵy saıabaqqa kelip toqtady. Velosherýdi jol polısııasy men jedel járdem kóligi bastap júrdi.
«Is-sharanyń maqsaty – óskeleń urpaqqa úlgi kórsetý, sol arqyly olarǵa azamattyq, patrıottyq tárbıe berý, sondaı-aq salamatty ári belsendi ómir saltyn nasıhattaý», dedi aksııany uıymdastyrǵan oblystyq máslıhat depýtaty Baýyrjan Tıbeev.
Depýtattar saıabaq alańynda shaǵyn qaıyrymdylyq sharasyn ótkizip, kópbalaly jáne turmysy tómen otbasylarda tárbıelenip jatqan birneshe balaǵa velosıped tartý etti.
«Osydan bir-eki kún buryn qalalyq bilim bóliminiń mamany qońyraý shalyp, bizdi Táýelsizdiktiń 25 jyldyǵy atyndaǵy saıabaqta tosyn syı kútip turǵanyn habarlap, 10 mamyr kúni osynda kelýimizdi surady. Qyzym bul sátti taǵatsyzdana kútti. Sóıtsek, tosyn syı ózimiz kópten beri arman etip kele jatqan velosıped eken. Qyzymnyń qýanyshynda shek joq, syılyq unady. Osyndaı shýaqty sharany uıymdastyrýshylarǵa analyq alǵysymdy aıtqym keledi. Bárińizdi bıylǵy táýelsizdigimizdiń 30 jyldyq merekesimen quttyqtaımyn!», dedi kópbalaly ana Qymbat Omarova.
Qaıyrymdylyq sharasynan keıin depýtattar saıabaqtyń kireberisine jaqyn jerden arnaıy bólingen alańqaıǵa jasyl shyrsha kóshetterin otyrǵyzdy.
«Biz jastardyń nazaryn ekologııalyq máselelerge aýdaryp, qalamyzdy taza ustaýǵa shaqyrǵymyz keledi. Endi bul kóshetterdi alǵashqy eki jyl boıy kún saıyn sýaryp otyrý kerek. О́ıtkeni shyrsha bastapqyda jaqsy kútimdi qajet etedi. Ásirese kún ystyqta sýsyz qaldyrýǵa bolmaıdy. Bul mindetti búgin bizben birge osy sharaǵa atsalysyp jatqan erikti jastar men stýdentter atqaramyz dep otyr», dedi avtosherýge qatysqan «Bolshevıchka» fabrıkasynyń dırektory Ársen Jetpisbaev.
Táýelsizdik saıabaǵyna 100 shaqty shyrsha kóshetin otyrǵyzǵan halyq qalaýlylary qala ortalyǵyna deıin taǵy 6 shaqyrym júrip ótti.
