Vedomstvo basshysyna «Altyn-Emel» jáne «Sharyn» ulttyq parkteriniń ınfraqurylymyn damytý jobasy tanystyryldy.
«Altyn-Emel» jáne «Sharyn» ulttyq parkterine kelýshilerge aımaqtyń erekshe tabıǵaty jáne onyń tarıhy týraly aıtylady. Investor ulttyq saıabaqtarda ınfraqurylymdy jáne ekotýrızmdi damytý jobasyn júzege asyrǵan kezde osyǵan nazar aýdarady.
Esterińizge sala keteıik, bıylǵy jyly atalǵan ulttyq parkterdiń ýchaskelerin týrıstik jáne rekreasııalyq qyzmetti júzege asyrý úshin uzaq merzimdi paıdalanýǵa berýge arnalǵan konkýrstardyń qorytyndylary boıynsha «QazaqGeography» RQB jeńimpaz atandy.
Ekotýrızmdi damytý tujyrymdamasyna sáıkes ulttyq parkterde qaýipsiz týrıstik marshrýttar men soqpaqtardy damytýǵa, týrıstik obektilerdi kúrdeli qurylystarsyz ornalastyrýǵa erekshe mán beriledi. Sondaı-aq zamanaýı vızıt-ortalyqtar, glempıngter, kempıngter, qazaq aýyly jáne kerýen jolyn, tamashalaý alańdaryn, demalýǵa arnalǵan oryndar jasaý qarastyrylǵan.
«QazaqGeography» kompanııasynyń Basqarma tóraǵasy Orman Nurbaevtyń aıtýynsha, ulttyq parkterdiń jumysynda balalar men jastardyń bilim berý qyzmetine basa nazar aýdarylatyn bolady.
«Kelýshilerge aımaqtyń qaıtalanbas tabıǵaty týraly ǵana emes, onyń tarıhy jaıly da áńgimeleý josparlanyp otyr. О́zderińiz biletindeı, «Altyn-Emel» ulttyq parkiniń aýmaǵynda ejelgi Besshatyr qorǵandary ornalasqan. Sondaı-aq qazaqtyń uly ǵalymy Shoqan Ýálıhanov ómiriniń sońǵy jyldaryn «Altyn-Emel» jerinde ótkizdi. Biz osyndaı tarıhı jaǵdaılardy jas urpaqqa jetkizýdi maqsat etip otyrmyz», dep atap ótti ınvestor.
О́z kezeginde, «Altyn Emel» MUTP bas dırektory Halyq Baıadilov ekotýrızmdi damyta otyryp, óz ekonomıkasyn kótere alǵan elderdiń úlgisi boıynsha ınvestormen yntymaqtasýǵa daıyn ekenin bildirdi.
Mınıstr ulttyq parkterde ekotýrızmniń damýy mańyzdy ekenin atap ótti.
«Qazaqstanda ekologııalyq, uıymdastyrylǵan týrızmdi damytý qajet. Elimizdiń ekotýrızmdi damytý áleýeti zor. Memleket basshysy el ishinde ekologııalyq týrızm mádenıetin damytý mindetin qoıdy. Bul azamattardyń ekologııalyq bilim alýyna, tabıǵatqa uqypty qaraýǵa yqpal etetinine senimdimin. Eń bastysy, jobalar tabıǵatqa zııan keltirilmeı júzege asyrylýy kerek. Bul erekshe qorǵalatyn tabıǵı aýmaqtar», dedi Maǵzum Myrzaǵalıev.
Bıylǵy jylǵy maýsym aıynda sarapshylar, ekologtar men qoǵam ókilderin shaqyra otyryp, ulttyq parkterdiń osy jobalary boıynsha qoǵamdyq tyńdaýlar ótkizý josparlanýda.
