Búgin saǵat 11:32-de Nur-Sultan qalalyq polısııa departamentine qala mektepteriniń birine jarylǵysh zat qoıylǵany týraly habarlama túsken.
Oqıǵa ornyna shuǵyl qyzmet ókilderi jiberilip, mektepten 175 adam evakýasııalandy. Tekserý nátıjesinde eshqandaı jarylǵysh zat tabylmaǵan.
Polısııa bul jaǵdaıǵa qatysty Qylmystyq kodekstiń 273-baby boıynsha qylmystyq is qozǵady.
Tártip saqshylarynyń aıtýynsha, byltyr dál osyndaı 10 qylmys tirkelgen.
«Polısııa qyzmetkerleri barlyq qylmyskerlerdi anyqtady. Atalǵan faktiler boıynsha ustalǵandar ár túrli merzimge bas bostandyǵynan aıyryldy», dep tolyqtyrdy departament ókilderi.
