Álem • 11 Mamyr, 2021

Qazandaǵy atys

157 ret kórsetildi

Tatarstannyń Qazan qalasyndaǵy mektepterdiń birinde atys bolyp, on shaqty adam qaza tapty. Túrli derekterge súıensek, qaza bolǵandar sany ártúrli.

Buqaralyq aqparat quraldaryna súıensek, Tatarstan Prezıdenti Rýstam Mınnıhanov segiz adamnyń, al Qazan qalasynyń ákimshiligi 11 adamnyń kóz jumǵanyn málimdedi.

R.Mınnıhanovtyń aıtýynsha, atys kezinde muǵalim jáne jeti bala ajal qushty. Qala ákimshiliginiń deregine qaraǵanda, barlyǵy on bir adam, sonyń ishinde eki oqýshy úshinshi qabattan sekirip, kóz jumǵan.

TASS agenttiginiń habarlaýynsha, onnan astam oqýshy aýrýhanaǵa túsken. Barlyǵy 30 adam zardap shekken.

Sońǵy málimet boıynsha, oq jaýdyrǵan qaskóı shabýyldy jalǵyz ózi uıymdastyrǵan. Ol – 19 jastaǵy Ilnaz Galıavıev esimdi jasóspirim. Tártip saqshylary ony qamaýǵa aldy. Ol buryn osy mektepte oqyǵan, biraq qazir tehnıkýmda bilim alyp júrgen. Ol polısııaǵa úıine bomba qoıylǵanyn habarlaǵan.

Oqıǵa ornyna barǵan Prezıdent Rýstam Mınnıhanov ustalǵan adamnyń 19 jasta ekenin rastaǵan. Mektepke sabaq kezinde shabýyl jasalǵan. Onda myńnan astam bala oqıdy.

Kýágerler mektepte atystan bólek, jarylys ta bolǵanyn aıtady. Baza saıty mektepten túsirilgen delingen beınejazba jarııalady. Onda «jarylystan keıingi» qıraǵan mektep kórinedi.

Osy oqıǵadan keıin Reseı prezıdenti Vladımır Pýtın azamattyq qarý aınalymy erejelerin shuǵyl túrde qatańdatýdy tapsyrdy. Ustalǵan Galıavıevke psıhologııalyq-psıhıatrııalyq saraptama taǵaıyndaldy. Mektep ákimshiliginiń deregi boıynsha, ol osy mektepti tórt jyl buryn bitirgen. Qazir oqıǵa ornynda kontrterrorıstik operasııa júrip jatyr.

Bastapqyda shabýyldy bir adam jasaǵany aıtylǵan edi. Biraq keıinnen «RIA Novostı» Qazanda arnaıy operasııa kezinde balalarǵa oq jaýdyrǵan ekinshi kúdiktiniń kózi joıylǵanyn habarlady.

«360» telearnasynyń derekkózi shabýyl sabaq kezinde bastalǵanyn aıtady. Balalar sıgnal alǵan boıda jerge jata qalǵan. Mektepte myltyq daýsy estilip turǵan. Oqýshylar men muǵalimderdi evakýasııalaýǵa qutqarýshylar men OMON kómektesken.

Osy qandy oqıǵadan keıin Tatarstanda 12 mamyr aza tutý kúni bolyp jarııalandy. Sondaı-aq bul kúni mektepterde sabaq bolmaıdy. Tatarstan prezıdenti Rýstam Mınnıhanovtyń tapsyrmasy boıynsha respýblıka úkimeti №175 Qazan gımnazııasynda bolǵan qaıǵyly jaǵdaıdan qaza tapqandar men zardap shekkenderdiń otbasylaryna ótemaqy taǵaıyndaıdy. Bul týraly Tatarstan Respýblıkasynyń Prezıdenti baspasóz qyzmetiniń jetekshisi Lılııa Galımova habarlady.

 

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar