Arys aýdandyq polısııa bóliminiń kezekshi bólimine jergilikti turǵynnyń biri habarlasyp, kómekke shaqyrǵan. Ol Aqynbekov kóshesi boıyndaǵy káriz qudyńǵyn tazalaýǵa túsken qyzmetkerler shyǵa almaı qalǵanyn aıtqan. Habarlamany alysymen sol aýmaqqa bekitilgen ýchaskelik polısııa ınspektory Baqytjan Jaqsylyq pen onyń áriptesi Asanhan Syzdyqov ekeýi 2-3 mınýt ishinde oqıǵa ornyna jetken.
Polıseıler kelgende qyzmetkerler qulap ketken káriz qudyǵynyń aınalasynda birneshe turǵyndar qaýmalap kómektespek bolyp turǵan. Tártip saqshylary, turǵyndarmen birge tórt metrge jýyq tereńdikke qulaǵan adamnyń birin jippen tartý arqyly bes mınýtqa jeter-jetpes ýaqytta shyǵaryp alady. Kárizdegi ıisten ýlanǵan turǵyndar jedel járdemdegi dárigerlerge tapsyrylyp, aýrýhanaǵa jetkizildi.
Belgili bolǵandaı, káriz (kanalızasııa) tazalaýǵa jumysqa kelgen qyzmetkerler tómenge túskenderinde belderindegi jip úzilip ketken. Biri qudyqtyń betki jaǵynda ilinip qalsa, ekinshisi tereńine baryp qulaǵan. Jansaqtaý bólimine túsken eki qyzmetkerdiń de jaǵdaıy jaqsy.
