«Sıfrlyq valıýtany engizýdiń yqtımal áserlerin zertteý nátıjeleri, pılottyq jobanyń qorytyndysy jáne múddeli taraptarmen talqylaý ótkennen keıin sıfrlyq teńgeni engizý qajettiligi týraly sheshim qabyldanady jáne jol kartasy ázirlenedi», dedi Dosaev Úkimet otyrysynda.
Pılottyq joba 2021 jyldyń ekinshi jartysynda iske asatynyn atap ótti.
5 mamyrda Ulttyq bank sıfrlyq valıýta sheshetin mindetterdi, olardy shyǵarý jáne taratý ádisin, qoldanylatyn tehnologııany, aqsha-kredıt saıasatyna, qarjylyq turaqtylyqqa jáne tólem qyzmetteri naryǵyna áserin anyqtaı otyryp, artyqshylyqtar men táýekelderdi jan-jaqty zertteý úshin «Sıfrlyq teńge» baıandamasyn jarııalady.
Baıandamada sıfrlyq valıýtanyń tehnologııalyq jáne ekonomıkalyq sıpaty, Ulttyq banktiń sıfrlyq teńgeni zertteý jáne engizý tásilderi, yqtımal áserlerin aldyn ala baǵalaý jáne pılottyq jobanyń sıpattamasy qamtylǵan. Sıfrlyq teńge qolma-qol aqshany aıyrbastaýǵa arnalmaǵan. Eger engizilse, zańdy tólem quralyna aınalady.
