Ekinshi jyl qatarynan jas ǵalymdardyń dástúrli sleti onlaın formatta uıymdastyrylyp keledi. Halyqaralyq baıqaýdyń uıymdastyrýshylary – WOOSONG ýnıversıteti, SOLBRIDGE Halyqaralyq bıznes mektebi (Ońtústik Koreıa) jáne «GLOBAL SAPA» OO. Jobalar matematıkadan ekologııaǵa deıin, hımııadan aqparattyq tehnologııalarǵa deıin túrli baǵyttardy qamtıdy. Osy baıqaýda Qaraǵandy, О́skemen, Kókshetaý jáne Nur-Sultan qalalaryndaǵy Zııatkerlik mektepterdiń oqýshylary óz jumystaryn halyqaralyq komıssııanyń nazaryna usyndy. Jas ǵalymdardyń tyń ázirlemeleri ártúrli baǵyttarda, ıaǵnı jańalyqtar fızıka, ınformatıka, tehnıka, sondaı-aq ekonomıka men ádebıet salalary boıynsha kórinis tapty.
Baıqaý qorytyndysy boıynsha jeti joba úzdikter qatarynan kórindi. 1-oryndy Anýar Dıýsenbekov pen Farhad Nýrlanov «Soqqy sıpattamalaryn anyqtaýǵa arnalǵan balaýyz jáne grafıt negizindegi kompozıttik sensor kómegimen basketbol dobyn synaý» (Qaraǵandy q. NIS) jobasy úshin enshilese, Dilnaz Seıilhanova «Polımerli materıaldardan qaldyqtardy óńdeý: qaıtalama shıkizattan buıymdar jasaý jáne olardyń qasıetterin zertteý» (О́skemen q. NIS), Qasym Gabdýshev «Shaǵyn jáne orta bıznes el ekonomıkasyn damytýdyń negizgi faktory retinde. Qazaqstan ekonomıkasyna ShOB mańyzdylyǵy men áserin kórsetý úshin, sondaı-aq boljamdar úshin matematıkalyq modelderdi paıdalaný» (Nur-Sultan qalasyndaǵy NIS IB) jumysy úshin ıelendi. 2-orynda Maǵjan Saǵynǵanov «Shyǵys Qazaqstan ken isi tarıhynyń aqtańdaqtary: taý jastary ómiriniń belgisiz paraqtary» (О́skemen q. NIS), al Ilıas Ýmýrbekov «Ym tiliniń kórneki aýdarmashysy» (Kókshetaý q. NIS) jobasymen erekshelense, 3-orynda Aısha Baımaǵambetova «V. Mıhaılovtyń «Uly jut shejiresi» derekti povesindegi ashtyq beınesiniń semantıkasy» (Kókshetaý q. NIS) jobasymen aldyńǵy orynǵa laıyq dep tanyldy.
