Sybaılas jemqorlyq faktileri týraly habarlaǵan tulǵalardy yntalandyrý jemqorlyqqa qarsy is-qımyldyń pármendi tetigi bolyp tabylady.
Bıyl óńirde sybaılas jemqorlyq faktileri týraly habarlaǵan 5 tulǵa 760 myń teńge kólemindegi syıaqymen marapattaldy. Bul týraly Antikor ortalyǵynda ótken brıfıngte Mańǵystaý oblysy boıynsha sybaılas jemqorlyqqa qarsy qyzmet departamentiniń asa mańyzdy ister jónindegi tergeýshisi Zýlfııa Abıshaeva málimdedi.
«Sybaılas jemqorlyq faktisi týraly habarlaǵan adamdardy qorǵaý tıisti túrde júzege asyrylady. QR «Sybaılas jemqorlyqqa qarsy is-qımyl týraly» zańyna sáıkes, mundaı jaǵdaılar týraly habarlaǵan adam aqshalaı qarajatpen ǵana emes, sonymen qatar memlekettiń qorǵaýynda bolady. Al sybaılas jemqorlyq faktilerin habarlaǵan adam týraly aqparat memlekettik qupııa bolyp tabylady», dedi Z.Abıshaeva.
Aıta keteıik, sybaılas jemqorlyq faktilerine tap bolǵan jaǵdaıda QR Sybaılas jemqorlyqqa qarsy is-qımyl agenttiginiń 1424 call ortalyǵyna nemeseDepartamenttiń 8 (7292) 319110 kezekshi telefonyna qońyraý shalýǵa bolady.
