Osyǵan baılanysty Nur-Sultan qalasynyń sanıtarııalyq-epıdemıologııalyq baqylaý departamenti shekteý sıpatyndaǵy barlyq sharalardy eskerýdi jáne saqtaýdy, atap aıtqanda, betperde taǵýdy, namazdan keıin qol alyspaýdy, namaz aıaqtalǵannan keıin birden meshittiń aýmaǵyn bosatýdy, ujymdyq namazǵa kámeletke tolmaǵandardy ákelmeýdi, JRVI belgilerimen namazǵa barýdan bas tartýdy usynady. Qaýipti vırýstyq aýrý pandemııasy báriniń densaýlyǵyna qaýip tóndirýde.
Elordada COVID-19 indeti boıynsha epıdemıologııalyq jaǵdaı áli de turaqsyz. Qala eki aıdan beri qyzyl aımaqta ornalasqan. Kúnine 250-den 450-ge deıin jaǵdaı tirkelýde. Elorda turǵyndary men qonaqtary mereke kúnderi túsinistikpen qarap, karantın rejımin qatań saqtaýdy suraımyz.
Pandemııa kezinde áleýmettik qashyqtyqty saqtaý óte mańyzdy. Oraza aıt merekesiniń mán-maǵynasy – halyqtyń birligin bekemdep, yntymaǵyn arttyrý. Sondyqtan tıisti usynystardy tolyǵymen oryndaýǵa jáne pandemııamen kúreste jaýapkershilik pen birlikti kórsetýge shaqyramyz.
