Atalǵan kórme Táýelsizdigimizdiń 30 jyldyǵyna arnaldy. Halyqaralyq art keńistikte ónerdiń ártúrli janrlarynda jumys isteıtin, óziniń qaıtalanbas dúnıetanymy, jańashyldyǵy bar daryndy sýretshilerdiń mártebesin kóterýdi maqsat tutqan is-shara Ulttyq mýzeıde uıymdastyryldy.
Alǵashqy betashar sózdi Ulttyq mýzeı̆ dırektorynyń orynbasary Nazgúl Kadrımbetova aldy.
«TAMYR» – kórkemóner rýhyn óz zamanyna saı kásibı sheberlikteri arqyly beıneleıtin sýretshilerdiń birlestigi. О́nerdi mamandyq retinde emes, ómir salty retinde qabyldaǵandar. Osy arada aǵylshyn jazýshysy, sýretshi ári ónertanýshy Djon Rıoskınniń jaqsy sózi esime túsip tur. «Sýretshiniń qoly, qııaly jáne júregi birge jumys istese ǵana tamasha sýret shyǵady». Bul kórme de sheber qoldy, qııaly ushqyr, júregi keń sýretshilerimizdiń eńbekteri men qundy dúnıelerine toly», dedi N.Kadrımbaeva.
Izgi tilekten keıin Qazaqstannyń eńbek sińirgen qaıratkeri, Sýretshiler odaǵynyń múshesi Abdýahat Muratbaev osynaý kórmeniń uıymdastyrylýyna qoldaý bildirgen mýzeı ujymyna alǵysyn bildirip, kórmede ekspozısııalanǵan jas býynnan bastap aǵa býynǵa deıingi qylqalam sheberleriniń jumystary mýzeı qonaqtarynyń júreginen erekshe oryn alatynyna senim bildirdi.
Aıta keteıik, «TAMYR» shyǵarmashylyq tobyna elimizge tanymal, ózindik qoltańbasy qalyptasqan Sýretshiler odaǵynyń músheleri kiredi. Olardyń qatarynda Nasyr Rýstamov, Murat Mansurov, Sultan Ilıaev, Abdýahat Muratbaev, Rasylbek Estemesov, Aınur Asanova, Edige Turlybekov, Muhtar Bekenov syndy qylqalam sheberleri bar. Shyǵarmashylyq toptyń barlyq ókili kásibı kórkemdik bilimge ıe, bedeldi respýblıkalyq jáne halyqaralyq baıqaýlardyń laýreattary bolyp sanalady. Qazaqstan aýmaǵymen qatar, shetelde de belsendi eńbektenip júrgen avtorlardyń kórkemóner týyndylary kóptegen eldiń jeke toptamalarynda usynylǵan. Demek, bul olardyń kópjyldyq eńbeginiń joǵary deńgeıde baǵalanýy.
Kórmege 100-den astam kórkemóner týyndylary usynyldy. Sondaı-aq kórme aıasynda «TAMYR» shyǵarmashylyq tobyndaǵy tanymal qazaqstandyq sýretshilerdiń sheberlik synyptary da ótkizildi.
