Velojol 2011-2016 jyldary elordanyń jasyl beldeýiniń ońtústik-batys bóligi oramdarynyń aýmaǵynda salyndy. Ol Qorǵaljyn tas jolynan bastalyp, elordanyń jasyl beldeýiniń «ońtústik-batys bóligi» jáne «Taldykól jınaqtaýshy» ýchaskeleriniń aýmaǵy arqyly ótip, Qarqaraly tas jolynyń janynda aıaqtalady.
Nysannyń rekreasııalyq múmkindikterin keńeıtý úshin elorda ákimdigi ony damytý jumystaryn júzege asyrady. Máselen, eki jalǵa berý pýnktiniń, eki km jaıaý júrginshiler jolynyń, uzyndyǵy alty km kross kantrıiniń, Qarqaraly tas joly jaǵynan qosymsha shaǵyn velojol sheńberiniń, túrli sport alańdarynyń qurylysy jáne balalar oıyn alańdaryn jaılastyrý júrgizilýde.
Sonymen qatar qalalyq ıppodromnyń janynda jasyl beldeý men saıabaqtyń safarı aýmaǵynda atpen júrý úshin uzyndyǵy 11 500 metr joldy jabdyqtaý josparlanýda.
Mundaı kólemdi jumys qoljetimdi demalys oryndaryn uıymdastyrý maqsatynda júrgiziledi. Sonymen qatar qurylatyn rekreasııalyq obektiler jasyl beldeý landshaftyn bezendirip, týrızm men demalysty uıymdastyrý úshin sanıtarlyq-gıgıenalyq jaǵdaılardy jaqsartady.
