Bilim • 14 Mamyr, 2021

Petropavlda erekshe qajettiligi bar balalar úshin arnaıy ortalyq ashyldy

35 ret kórsetildi

Petropavl qalasynda №27 jalpy bilim beretin mektep bazasynada ınklıýzıvti bilim berýge arnalǵan resýrstyq ortalyǵy ashyldy, dep habarlaıdy Egemen.kz.

Atalǵan resýrstyq ortalyq bilim berýde erekshe qajettilikteri bar balalardyń jalpy bilim berý mektepterinde oqýyna tıimdi múmkindik jasaý úshin qajet.

Bul resýrstyq ortalyq – ınklıýzııa qaǵıdattaryn júzege asyrýda muǵalimderge kómek kórsetý úshin jáne bilim berýde erekshe qajettilikteri bar balalarǵa synypta jáne mektepte kedergisiz orta qalyptastyrý úshin qurylǵan mektep keńistiginiń bir bóligi.

Oblystyq bilim basqarmasynyń derekterine sáıkes qala boıynsha bilim alýynda erekshe qajettilikteri bar 1500-den astam bala turady, onyń ishinde 389 bala qala mektepterinde oqıdy. Árıne, «Erekshe» balalar mektep pen oqytýshylar quramy tarapynan erekshe qarym-qatynasty talap etetini sózsiz. Atap aıtqanda, ádistemelik, uıymdastyrýshylyq jáne aqparattyq qoldaý, qorshaǵan ortaǵa beıimdeý, jeke bilim berý baǵyttaryn qurý jáne keı jaǵdaılarda arnaıy muǵalimderdiń qoldaýy da qajet.

Aıta keteıik, búginde Petropavlda 2 resýrstyq ortalyq, sondaı-aq psıhologııalyq-pedagogıkalyq túzetý kabıneti jumys istep jatyr. Olardyń barlyǵy «Dara» JQ júzege asyratyn «Ár alýan – biraq teń» jobasy aıasynda jumys isteıdi. Bul jobany biraz jyldar boıy «Samuryq-Qazyna» AQ kompanııalary tobynyń atynan «Samruk-Kazyna Trust» áleýmettik jobalardy damytý qory qoldap keledi.

1

«Inklıýzıvti bilim berý – sapaly bilim berýdiń qoljetimdiligin qamtamasyz etýge baǵyttalǵan bilim berý júıesindegi negizgi transformasııalaý baǵyttarynyń biri. Biz osyndaı resýrstyq ortalyqtar men túzetý kabınetterin óńirlerde ashýdyń jáne olardy qoldaýdyń qanshalyqty mańyzdy ári ózekti ekenin jaqsy túsinemiz. Qazirgi tańda «Dara» qorymen áriptestikte 14 PPTK jáne 16 ınklıýzıvti bilim berý resýrstyq ortalyǵy ashyldy jáne nátıjesinde búgingi kúni 10500-den astam balaǵa qoldaý kórsetildi», dedi Samruk-Kazyna Trust qorynyń resmı ókili Mıras Irgebaev.

Inklıýzıvti oqytý fızıkalyq, zııatkerlik jáne basqa da erekshelikterge qaramastan, bilim berýde erekshe qajettilikteri bar balalardy áleýmettik ortaǵa beıimdeý arqyly jalpy bilim berý ortasyna qosýdy kózdeıdi.

«Resýrstyq ortalyqtyń qoldaýymen bilim berýde erekshe qajettilikteri bar balalardy jalpy bilim beretin mektepterge tolyq jáne tıimdi túrde qosý boıynsha, sondaı-aq damý erekshelikteri bar balalarmen jumys isteıtin pedagogtarǵa jáne olardyń ata-analaryna ǵylymı-ádistemelik qyzmetter keshenin kórsetý úshin qajetti jaǵdaılar jasalady, sondaı-aq úıde oqıtyn balalardy áleýmettendirý boıynsha jumystar júrgiziledi», dep atap ótti «Dara» qorynyń ókili Sáýle Beksultanova.

Sońǵy jańalyqtar

Erbosynulyn aýyr synaq kútip tur

Kásipqoı boks • Búgin, 18:55

Bes oblysta qolaısyz aýa raıy kútiledi

Qazaqstan • Búgin, 18:35

Maıdannan 10 uly aman oralǵan ana

Tarıh • Búgin, 17:25

Shymkentte karantın merzimi uzartyldy

Aımaqtar • Búgin, 17:20

Aqmola oblysynda mektep órtendi

Aımaqtar • Búgin, 15:29

Qazaqstanda jańa salyqtar engiziledi

Qazaqstan • Búgin, 15:16

44 zańǵa ózgerister engizilýi múmkin

Parlament • Búgin, 14:58

Mınasıan bas bapker qyzmetinen ketti

Fýtbol • Búgin, 14:53

Oralda 10 jasar qyzdy kólik qaǵyp ketti

Aımaqtar • Búgin, 14:37

Ekpe saldyrýda belsendilik baıqalady

Koronavırýs • Búgin, 14:10

Qaraǵandyda 107 keli balyq tárkilendi

Aımaqtar • Búgin, 13:41

Charlo shaıqasqa shaqyrýdan sharshamaıdy

Kásipqoı boks • Búgin, 13:27

Almaty «qyzyl» aımaqtan qashan shyǵady?

Koronavırýs • Búgin, 12:58

Uqsas jańalyqtar