«Qazaqstan adam quqyqtary jónindegi birneshe halyqaralyq qujattyń qatysýshysy. Onyń ústine Qazaqstan men Grýzııa arasynda azamattyq jáne qylmystyq ister boıynsha zańdyq kómek kórsetý týraly bólek kelisim bar. Osyndaı qylmys jasalǵanda bul qujat qos eldiń prokýratýralaryna tikeleı baılanysta jumys isteýine múmkindik beredi. Onyń ishinde kúdiktilerdi qamaý, jaýap alý úshin bir memlekettiń aýmaǵynan ekinshi memlekettke tasymaldaý syndy sharalar kiredi», dedi Elvıra Ázimova.
Elvıra Ázimovanyń aıtýynsha, taǵy tórt halyqaralyq konvensııa bar. Bul adam saýdasyna qarsy kúreske qatysty jeke konvensııalar jáne olarǵa qorytyndy hattamalar. Grýzııa BUU-nyń osy tórt qujatynyń qatysýshysy bolsa, onda halyqaralyq qujattardy osy qylmysty tergeý júrgizý úshin paıdalanýǵa bolady.
Osy oraıda Adam quqyqtary jónindegi ýákil eki taraptyń da quqyq qorǵaý organdarynyń birlese jedel jumys isteýi óte mańyzdy ekenin jetkizdi.
«О́kinishke qaraı, mendegi aqparat boıynsha Ásel Aıtpaevanyń anasy Qazaqstanǵa kelgennen keıin 6 mamyrda turǵylyqty jeri boıynsha polısııa departamentine osy jaǵdaı boıynsha qajetti sharalar qabyldaý týraly ótinish jazdy. Biraq 6 mamyrdan beri polısııa departamenti tarapynan qandaı sharalar qoldanylǵany týraly aqparat áli joq. Sondyqtan árıne, men qyzdyń anasyna kómektesemin», dedi Elvıra Ázimova.
Eske sala keteıik, Grýzııada 26 jastaǵy qazaqstandyq belgisiz jaǵdaıda kóz jumdy. Sondaı-aq keshe Grýzııanyń aqparat kózderi otandasymyz Ásel Aıtpaevany zorlap, óz-ózine qol jumsaýǵa ıtermelegeni úshin kúdikke ilingen qylmysker Besık Tordýany tergeý qujatynyń kóshirmesin jarııalaǵan edi.
