Jańa qaýlyda bas sanıtar memlekettik organdar men kvazımemlekettik sektor uıymdary qyzmetkerleriniń keminde 80%-y, al jeke kásipkerlik nysandary qyzmetkerleriniń keminde 50%-y qashyqtan jumys isteýin usynǵan. Biraq bul talap halyqtyń tynys-tirshiligin qamtamasyz etetin jáne epıdemııaǵa qarsy is-sharalarǵa tartylǵan qyzmetterge júrmeıdi.
Jınalystar, keńester, semınarlar, konferensııalar burynǵysha selektorlyq rejimde, beınekonferensbaılanys arqyly ótkizilgeni jón.
О́ńirdegi kásipkerlik nysandary arasynda «Ashyq» qosymshasyn qoldaný, engizý jáne paıdalaný boıynsha túsindirý jumysy turaqty júrip jatyr. Dál osy «Ashyq» qosymshasynyń kómegimen mamyr aıynyń basynan beri 40-tan asa adamnyń karantın talabyn buzǵany anyqtaldy. Covid-19 dıagnozy anyqtalǵan 15 adam Oral qalasynda, 2 adam Aqsaı qalasynda karantın talabyn saqtamaı, saýda úılerine kirmek bolǵan. Taǵy 24 adam «sary dárejesine», ıaǵnı koronavırýs juqtyrǵan naýqaspen qarym-qatynasta bolǵanyna qaramastan oqshaýlaný tártibin saqtamaǵan. «Vırýs taratýshy adamdar oqshaýlaný tártibin saqtamaı otyr» deıdi oblystyń bas sanıtar dárigeri Muhamǵalı Aryspaev.
Oblys ákiminiń birinshi orynbasary Muhtar Mankeev mundaı tártip buzýshylarǵa qatań shara qoldanýdy tapsyrdy. «Biz eń aldymen turǵyndardyń qaýipsizdigin oılaýymyz kerek. Sondyqtan qaýipti vırýsty odan ári taratyp, jaýapsyzdyqqa jol berýge bolmaıdy» dedi M.Mankeev.
Qaýlyda óńir turǵyndary men meımandarǵa respıratorlyq ınfeksııanyń alǵashqy belgileri paıda bolsa, medısınalyq uıymdarǵa barmaı, 103 nómiri arqyly jedel medısınalyq kómekti shaqyrý, jasy 65-ten asqan adamdarǵa azyq-túlik, dári-dármek pen medısınalyq buıymdardy, sondaı-aq qajetti taýarlardy satyp alǵanda nemese medısınalyq mekemelerge barǵanda bolmasa, úıinen shyqpaýǵa keńes berilgen. Al jerleý sharalaryna marqumnyń eń jaqyn otbasy músheleri, jaqyn týystarynan eń kóp degende 20 adam ǵana jınalýyna ruqsat berilgen. Buqaralyq, ujymdyq, otbasylyq, eske alý is-sharalardy jeke úıde de, arnaıy oryndarda da ótkizýge tyıym salynǵan.
Degenmen, koronavırýstyń taralý kórsetkishteri tómendese, karantın talaptaryn jeńildetý de kózdelip otyr. Qazirdiń ózinde aýyl sharýashylyǵymen aınalysatyn nysandar, avtojýý, avtomobılder men turmystyq tehnıkany, kıim jóndeý sheberhanalary, tigin ateleleri, kir jýý, hımııalyq tazalaý, t.b. boıynsha qyzmetter karantın talaptaryn saqtaı otyryp 15 mamyrdan bastap shekteýsiz jumys isteýge kóshedi. Mundaı mekemeler qataryna týrıstik kompanııalar men bıznes ortalyqtar, murajaılar men kitaphanalar, t.b. kóptegen nysandar qosyldy. Epıdemıologııa ahýaly jaqsarsa, mamyrdyń ekinshi jartysynan bastap qalalar men aýdan shekaralaryndaǵy blok-beketter de alynyp tastaýy múmkin.
Kúni búginge deıin Batys Qazaqstan oblysynda 20 671 adam koronavırýs juqtyrǵan. Mamyr aıynyń basynan beri 1 331 adamnan vırýs anyqtaldy. 5-11 mamyr aralyǵynda vırýs juqtyrǵandardyń sany – 862 adam. Iаǵnı osynyń aldyndaǵy aptamen salystyrǵanda aýrýdyń taralýy 7,5 paıyzǵa azaıǵan.
Batys Qazaqstan oblysy
