Aýyl ákimi Dıdar Esmuhanovtyń aıtýynsha, Janbaı aýylynyń irgetasy 1930 jyly qalanypty. Sol kezde birneshe kolhoz balyqshylary Kaspıı teńizinen balyq aýlap, aýyl sharýashylyǵy salasyn órkendetýge úles qosqan. Jaqynda osy aýylda brakonerlerdiń «barymtasyna» túsip, qory azaıǵan baǵaly bekire balyǵyna arnaıy belgi qoıyldy.
– Sáýlet nysany aýyldyq okrýg ákimdiginiń tapsyrysymen boı kóterdi. Bekire músinine qosa, tórt taqta ornatyldy. Ár taqtada Naryn qumy, asharshylyq kezinde turǵyndardyń aman qalýyna septigi tıgen qumarshyq ósimdigi, aýyl sharýashylyǵy salasynyń kórinisteri men munaı óndirisi beınelendi. Bul – aýylymyzdyń ótken tarıhynan syr shertetin belgi, – deıdi Dıdar Esmuhanov.
Atyraý oblysy
