«Nur-Sultan qalalyq kólik jáne jol-kólik ınfraqurylymyn damytý basqarmasy men Polısııa departamentiniń Ákimshilik polısııa basqarmasy birlesip, Máńgilik el jáne Orynbor kósheleriniń qıylysynda jol jóndeý jumystary bastalǵanyn málim etti», delingen elorda ákimdiginiń resmı saıtynda taratylǵan aqparatta.
Ákimdik málimetinshe, 16 mamyr saǵat 16:00-den 17 mamyr saǵat 06:00-ge deıin Túrkistan kóshesi men Máńgilik el dańǵyly aralyǵynda jatqan Orynbor kóshesinde, sondaı-aq Bókeıhan kóshesinen Máńgilik el dańǵylyna deıingi aralyqta kólik qozǵalysy tolyǵymen jabyldy.
Sonymen qatar Máńgilik el dańǵylynda qozǵalys shekteýli boldy. Al búgin saǵat 21:00-den 18 mamyr kúni saǵat 06:00-ge deıin Máńgilik el dańǵylynan M1 kópirine deıingi qozǵalys tolyqtaı shekteledi.
«Qala joldarynda keptelis týdyrmas úshin elorda turǵyndary men qonaqtary qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystarynyń júrgizilýine túsinistikpen qaraýdy suraımyz», delingen vedomstvo habarlamasynda.
