«Jaqyn arada halyqaralyq kelisimge sáıkes Bas prokýratýra men Syrtqy ister mınıstrligi úılestirýimen Qazaqstan IIM Grýzııaǵa jedel-tergeý tobyn jiberedi. Onyń mindeti – oqıǵanyń barlyq mán-jaıyn zerttep, sotqa deıingi tergeý materıaldary boıynsha Grýzııa tarapymen aqparat almasý», dedi IIM resmı ókili Nurdildá Oraz brıfıngte.
Ol Nur-Sultan qalasynyń polısııa departamentinde Grýzııada qaza tapqan qyzdyń ata-anasynyń ótinishi negizinde Azamat Meıirbekovke qatysty shara qabyldaý týraly QR QK-nyń 128-baby boıynsha sotaldy tergeýdi bastalǵanyn aıtty.
Eske salaıyq, qazaqstandyq Ásel Aıtbaeva 5 mamyrda Tbılısıde túsiniksiz jaǵdaıda qaıtys boldy. Qyz kópqabaty úıdiń terezesinen qulap ketken. Onyń ólimine qatysy bar degen kúdikpen Grýzııada er adam ustaldy. Qylmystyq kodekstiń eki baby boıynsha sotqa deıingi tergeý sharalary bastaldy. Kúdiktige zorlaý jáne adamnyń ar-namysyn kemsitý arqyly ózin-ózi óltirýge deıin jetkizý sııaqty aıyptar taǵylyp otyr.
Marqumnyń ápkesiniń sózinshe, Ásel qaıtys bolar aldynda qurbysyna aýdıohabarlama jiberip úlgergen. Aýdıoda belgisiz er adamnyń oǵan qoqan-loqy kórsetip jatqany estiledi.
