Fotokórme qoǵamdaǵy adamı jáne rýhanı qundylyqtardy dáripteýge, álemniń túrli halyqtarynyń dinderi men mádenıetterine degen tolerantty dúnıetanymdy nyǵaıtýǵa jáne olardyń bir-birine qurmetpen qaraýyn qalyptastyrýǵa baǵyttalǵan. Mundaǵy beıbitshilik pen kelisimdi beıneleıtin ıslamnyń rýhanı qundylyqtarynyń tereńdigin tanytatyn fotosýretter, sondaı-aq ekspozısııany meılinshe tolyqtyrǵan Qazaqstannyń Ortalyq memlekettik mýzeıi usynǵan ıslam týraly biregeı artefaktiler taqyrypty asha túsken. Kórmeniń ashylý saltanatyna Qazaqstannyń dinı birlestikteri men ǵylymı-sarapshylyq qoǵamdastyqtyń ókilderi qatysty.
Kórmege qoıylǵan elý shaqty sýret ıslam dininiń rýhanı, mádenı, ǵylymı murasynan syr shertedi. Musylmandardyń kúndelikti ómiri beınelengen bul týyndylar haq dinniń tazalyǵy týraly tanymdyq maǵlumattar beredi. N.Nazarbaev ortalyǵynyń Basqarma Tóraǵasy fotokórmege kelgen qonaqtardy quttyqtaı otyryp, Táýelsizdiktiń alǵashqy kúnderinen bastap Qazaqstan barlyq ult ókilderi men dinder birligi máselesi boıynsha syndarly dıalogqa umtylǵanyn jáne álemde toleranttylyq ıdeıalaryn ilgeriletýge barlyq jaǵynan yqpal etetinin atap ótti.
Bolat Sársenbaev óz sózinde Qazaqstan Respýblıkasynyń Tuńǵysh Prezıdenti – Elbasy N.Nazarbaevtyń konfessııaaralyq dıalogty nyǵaıtýdaǵy, biregeı halyqaralyq dıalog alańy – Álemdik jáne dástúrli dinder kóshbasshylarynyń sezin qurýdaǵy aıryqsha rólin, sonymen qatar Memleket basshysy Q. Toqaevtyń dinder men órkenıetter dıalogynyń jahandyq ortalyǵy retindegi Qazaqstannyń pozısııasyn nasıhattaýdaǵy dáıekti saıasatyna toqtaldy.
«Kórmeden bólek, osy taqyrypty arqaý etken halyqaralyq onlaın konferensııalar saltanat qurady. Parlament Senaty Tóraǵasy M. Áshimbaevtyń basshylyǵymen bıylǵy jyly ótetin Sezd Hatshylyǵynyń kezekti XIX otyrysyna daıyndyq jumystary júrip jatyr. Onda 7-shi Álemdik jáne dástúrli dinder kóshbasshylary seziniń taqyryptaryn aıqyndaıtyn bolamyz. Kórme qabyrǵasyndaǵy ár sýret din men dástúr sabaqtastyǵynyń, adamdar arasyndaǵy dostyq pen tatýlyqtyń tereń dińinen habar beredi. Ártúrli konfessııalar men dinderdiń ókilderin bir alańǵa biriktirý arqyly biz beıbitshilik, kelisim jáne yntymaqtastyq ıdeıalaryn halyqaralyq qoǵamdastyqta nyǵaıtýǵa jáne ilgeriletýge óz úlesimizdi qosa alatynymyzǵa senimdimin», deıdi Bolat Sársenbaev.
Is-sharada mádenıetaralyq jáne dinaralyq dıalog salasyn nyǵaıtý maqsatynda Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵy men Qazaqstan Respýblıkasynyń Ortalyq memlekettik mýzeıi arasynda yntymaqtastyq týraly memorandýmǵa qol qoıyldy. Fotokórme 2021 jyldyń 1 maýsymyna deıin jalǵasady.
