Sport • 18 Mamyr, 2021

Jattyqtyrýshylardyń jalaqysy jyl saıyn ósetin boldy

167 ret kórsetildi

Búgin Májilistiń Áleýmettik-mádenı damý komıtetiniń keńeıtilgen otyrsynda Mádenıet jáne sport vıse-mınıstri Erlan Qojaǵapanov Sport salasyndaǵy mamandandyrylǵan mektepter men kolledj qyzmetkerleriniń jalaqysy jyl saıyn kóbeıtiletin jetkizdi, dep habarlaıdy Egemen.kz

«Pandemııa kezinde memleket áleýmettik qoldaý sharalaryn jáne respýblıkalyq sport uıymdaryn qarjylandyrýdy toqtatqan joq. 2020 jyldyń 1 qańtarynan bastap sport salasyndaǵy mamandandyrylǵan mektepter men kolledj qyzmetkerleriniń jalaqysy kóbeıtildi, ol 2023 jylǵa deıin jyl saıyn 25 paıyzǵa ósetin bolady», dedi E.Qojaǵapanov.

Sonymen qatar memlekettik bilim berý uıymdarynyń muǵalimderine sabaqtan tys sporttyq sabaqtardy júrgizgeni úshin bazalyq laýazymdyq jalaqydan 100% mólsherinde qosymsha aqy belgileý týraly másele sheshimin tapty. Onyń aıtýynsha, kásibı sport klýbtaryn kútip ustaýǵa, halyqty, birinshi kezekte balalardy dene shynyqtyrýmen jáne buqaralyq sportpen aınalysýǵa tartýǵa baǵyttalǵan qarajatty qaıta baǵdarlaý boıynsha is-sharalar iske asyrylyp jatyr.

Eske sala keteıik, búgingi otyrys barysynda buqaralyq sport óńirlerdegi kóptegen azamat úshin áli de qoljetimdi emes ekeni aıtyldy. Erlan Qojaǵapanovtyń sózine qaraǵanda, byltyr elimizdiń dene shynyqtyrý-sport qozǵalysyna 5,9 mln adam qatysqanyn málimdedi.

Sońǵy jańalyqtar

Elimizdiń úsh oblysynda tuman túsedi

Aýa raıy • Búgin, 18:17

Uqsas jańalyqtar