Qazaqstandyq Asqar Moldaǵalı tizimde birinshi rezervte tur.
Halyqaralyq federasııa qazaqstandyq qazynyń kandıdatýrasyn rezervke engizdi. Olımpıada kezinde WKF referıleriniń biri qatysa almaı qalǵan jaǵdaıda, Asqar Moldaǵalı tórelik etý quqyǵyna ıe bolmaq.
Tokıo Olımpıadasynda karateden tuńǵysh jeńimpazdar men júldegerler anyqtalady. Karateshiler dodasy 5, 6 jáne 7 tamyzǵa josparlanǵan. Qazaqstan komandasynyń enshisinde ázirge bir joldama bar. Darhan Asadilov álemdik reıtıngte kósh bastap, joldamany merziminen buryn utyp aldy. Al sońǵy lısenzııalyq týrnır 11-13 maýsym aralyǵynda Parıj qalasynda ótedi.
Qazaqstandyq sportshylar Tokıo olımpıadasynda el namysyn sporttyń 30 túrinen qorǵaıdy. Ázirge QR sportshylary Olımpıadaǵa 53 joldama jeńip aldy.
