Bul týraly Bilim jáne ǵylym mınıstrligi habarlady.
Amanjol Qoshanov – naryqtyq ekonomıka teorııasy salasynda elimizdiń jetekshi ǵalym-ekonomısi. Onyń radıkal ekonomıkalyq reforma, menshik qatynastaryn qaıta qurý jáne kásipkerlikti damytý, jahandaný jáne aımaqtyq ıntegrasııa jaǵdaıyndaǵy ulttyq ekonomıkalyq múddeler men ekonomıkalyq qaýipsizdik júıesi máseleleri boıynsha eńbekteri elde jáne shetelde tanymal.
Amanjol Qoshanov 400-den asa ǵylymı jarııalanym avtory, 38-den asa monografııalyq eńbegi bar. Ǵylymı jáne qoǵamdyq qyzmettegi eńbegi, ekonomıka ǵylymynyń damýyna qosqan úlesi zor. Belsendi qoǵamdyq jumysy úshin Amanjol Qoshanov Qazaqstan Prezıdentiniń Jarlyǵymen 2004 jyly «Parasat» ordenimen, 2014 jyly III dárejeli «Barys» ordenimen marapattalǵan.
Bilim jáne ǵylym mınıstrligi ujymy Amanjol Qoshanovtyń týystary men jaqyndaryna kóńil aıtty.
