«Biz vaksınasııadan keıin, birinshi jáne ekinshisi komponentten keıingi syrqattanýshylyqqa mindetti túrde monıtorıng júrgizemiz. Jalpy elimiz boıynsha birinshi komponentten keıin aýrýdyń 541 jaǵdaıy tirkeldi. Ekinshi komponentten keıin 104 jaǵdaı anyqtaldy», dedi Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova.
Ol bul aqparatty «durys túsindirý kerek» ekenin aıtty. Sebebi bul adamdar ınkýbasııa kezeńinde - 14 kún ishinde aýyrǵan.
«Olar juqtyrǵan soń baryp vaksına saldyrǵan. Biz «Spýtnık V»-nyń tıimdiligi 92 paıyz ekenin bilemiz. Qalǵan segiz paıyzynda ımmýndyq jaýap bolmaıdy delindi.
Statıstıka vaksınasııanyń tıimdi ekenin dáleldeıdi, biraq eshkim vaksına aýrýdan 100 paıyz qorǵaıdy dep aıtpady, aıtpaıdy da», dedi Densaýlyq saqtaý mınıstrliginiń ókili.
