Aqparat jáne qoǵamyq damý mınıstrligi Jastar jáne otbasy isteri komıtetiniń tóraǵasy Shahmardan Baımanov ortalyq kommýnıkasııalar qyzmetinde ótken brıfıngide osylaı dedi.
«Bıyl Úkimet qaýlysymen «Mereıli otbasy» ulttyq konkýrsyn ótkizýdiń jańa qaǵıdalary bekitildi. Ol boıynsha konkýrsty tanymal etý jáne úmitkerlerdiń sanyn ulǵaıtý úshin ótinimderdi otbasynyń ózderinen basqa jergilikti atqarýshy organdar jáne zańdy tulǵalar engize alady. О́ńirlik kezeńniń barlyq jeńimpaz otbasylardyń eńbek, sport, shyǵarmashylyq, zııatkerlik, ǵylymı jetistikteri bolǵandyqtan, respýblıkalyq deńgeıde bir otbasyn ǵana tańdamaı, barlyq 17 otbasyna konkýrs laýraeaty ataǵy berý týraly sheshim qabyldandy. Konkýrs ádil ári ashyq ótýi úshin óńirlik komıssııalardyń quramyna azamattyq qoǵam ókilderi, ótken jyldardaǵy jeńimpazdardy qosý kózdelgen. Komıssııa otyrystary jergilikti atqarýshy organdardyń ınternet resýrstarynda jáne áleýmettik jelidegi resmı akkaýntarynda onlaın kórsetilim arqyly ótedi», dedi komıtet tóraǵasy.
Konkýrsqa qatysýǵa úmitkerlerler ótinimderin jergilikti komıssııalarǵa 15 maýsymǵa deıin joldaı alady. Konkýrs laýreattaryn saltanatty marapattaý rásimi qyrkúıek aıynyń ekinshi jeksenbisi – Otbasy kúni merekesi qarsańynda ótedi.
