Orman sharýashylyǵy jáne janýarlar álemi komıteti ruqsat bergen fototúsirilimge qatysty pikirde halyqtyń azamattyq pozısııasynyń artyp, qorshaǵan ortadaǵy jaǵdaılarǵa beıjaı qaramaıtyn azamattardyń kóptigi sóz boldy.
«Ospan Áliniń kıikti qorǵaımyn dep qurban bolǵan Erlan Nurǵalıevtiń quralaımen túsken áıgili fotosynyń avtory ekenin bilesizder. Týyndy kıikterdi qorǵaýdyń sımvolyna aınalyp ketti dese de bolady.
Al sońǵy túsirgen sýretteriniń maqsaty - sulý tabıǵatymyzdy kórsetip, nasıhattaý, adamdardyń sulý janýarǵa mahabbatyn oıatý arqyly qorǵaýǵa atsalysýǵa ıtermeleý edi», deıdi Samal Ibraeva.
Sondaı-aq jaı ǵana qyzyǵýshylyq tanytyp, quralaımen sýretke túse berýge bolmaıtynyn jetkizdi.
«Tóldeý ýaqytynyń mańyzdylyǵyn eskere otyryp, men salaǵa jany ashıtyn, beıjaı qaramaıtyn adam retinde tóldeý maýsymynda vıdeo-fototúsirilimderge múldem tyıym salatyn arnaıy qujat ázirleýge basshylylqqa ótinish berýge sheshim qabyldadym. Sebebi, dál qazirgi ýaqytta ondaı naqty reglament joq eken. Bul sharany Orman sharýashylyǵy jáne janýarlar álemi komıtetimen talqylaıtyn bolamyz», dedi ol.
Aıta keteıik, osy aptada áleýmettik jelide quralaımen fotoǵa túsken ınternet qoldanýshylary qalyń jurtshylyqtyń synyna qalǵan bolatyn.
