Biregeı ólshem quraly – qaýipsizdikke kepil

Zerthana elektr-magnıttik tol­qyndardyń parametrlerin ól­sheýge arnalǵan biregeı jańǵy­ryq­syz kameramen jabdyq­tal­ǵan. Ol ishte shýyl boldyr­maı, qulaqqa urǵan tanadaı tynysh­tyqty qamtamasyz etedi. Ka­me­ra­nyń qabyrǵalary men tóbe­siniń qalyńdyǵy 2 mm jal­paq bolattan jasalǵan jáne sha­ǵy­­lysý koeffısıenti tómen radıosińirgish materıalmen qap­ta­­lypty. Atalǵan jańǵy­ryq­syz kamera qarapaıym smartfonnan bastap iri gabarıtti tehnıkaǵa deıin onyń ulttyq, halyqaralyq standarttarǵa qanshalyqty saı kele­tinin asqan dáldikpen tekse­rip beredi.

Bul jerde kez kelgen tur­mys­­tyq tehnıkadan bastap, avtokólik, ushaqqa deıin teksere alady. Jobany daıyndaýǵa úsh jyl ýaqyt jumsalypty.

– Zerthanada turmystyq qu­ra­­l­dar men kólikterden shyǵa­tyn elektromagnıttik keder­giler óshiriledi jáne ólshenedi. Jańǵyryqsyz radıokamera tú­rin­degi osyndaı ortalyq álem­niń 15 elinde ǵana bar. Endi otandyq óndirýshiler shetelge júgirmeı, óz mamandarymyzǵa júgine alady. Sonymen qatar ortalyqtyń iske qosylýy bıznes ókilderiniń qarajat únemdeýine múmkindik beredi, – deıdi zerthananyń je­tek­shi mamany Ádilbek Qabenov.

Zerthananyń ashylý rásimine Saýda jáne ıntegrasııa mınıstri Baqyt Sultanov ta keldi.

– Qazir Úkimettiń aldyna eko­nomıkany ártaraptandyrý min­de­ti qoıylyp otyr. Sol maqsat­ta básekege qabiletti óndirýshilerge qoldaý kórsetilýde. Bul zerthana ár ónimniń, kólik jasaý óndirisiniń sapasyn anyqtaýǵa kómektesedi. Ortalyq jumysynyń júrýi óz kezeginde eksportty qoldaýdy da yntalandyrady, – dedi mınıstr.

Munda avtokólikti synaqtan ótkizý quny – 1 mln teńge. Ki­shi­girim tehnıkalardy tekserý quny 20 myń teńgeden bastalady. Bul rette synaq ortaly­ǵy­nyń jalpy salmaǵy 16 tonnaǵa deıingi, sondaı-aq gabarıttik ólshemi 30 h 21 h 10 m bolatyn kez kelgen sanattaǵy kólikti tek­se­rý­ge qabiletti ekenin de aıta ketý kerek.

Tehnıkasyna oń nátıjeli sertıfıkat alǵan óndirýshiler óz taýaryn shetelge esh kedergisiz eksporttaı alady. «Qazstandart» MKM bas dırektorynyń orynbasary Janat Begaıdarovtyń aıtýynsha, zerthana jabyq nysan ishinde ornalasqandyqtan, jyldyń kez kelgen maýsymynda jumys isteı beredi. Keshendi salýǵa Anglııa, Túrkııa, Reseı mamandary qatysqan. Keshen qu­rylysyna eki jyl ýaqyt jum­salypty. Al munda jumys isteıtin mamandar arnaıy oqy­tý­dan ótken.