- Búginde Syrdarııa ózeniniń aǵysyn retteıtin Naryn-Syrdarııa sý qoımalaryndaǵy sý kólemi ótken jyldan 2 mlrd tekshe metrge kem. Qazirgi tańda Shardara sý qoımasyna túsip jatqan sýdyń kólemi eginshilerimizdi alańdatyp otyr. 2021 jyly oblys boıynsha 188,2 myń gektarǵa aýyl sharýashylyǵy daqyldaryn ornalastyrý josparlansa, onyń ishinde kúrish egisiniń kólemi ótken jyldan 5,1 myń gektarǵa qysqartylyp, 84,4 myń gektarǵa egý mejelendi. Degenmen, kúrish egý jáne ony sýǵa bastyrý jaǵdaıy asa kúrdeli bolyp otyr. Atap aıtqanda, ótken jyldyń osy kezeńimen salystyrǵanda kúrish egý 5,1 myń gektarǵa jáne sýǵa bastyrý 7,4 myń gektarǵa kem kele jatyr. Sý tapshylyǵy jaǵdaıynyń aldyn alý úshin, Sý resýrstary komıteti men Qyzylorda oblysy ákimdiginiń vegetasııalyq kezeńde sý tapshylyǵynyń aldyn alý boıynsha atqarylatyn birlesken is sharalar josparyn bekittik. Sonymen birge, kanaldar arqyly sý alý rejımderiniń kestege saı oryndalýyna monıtorıng júrgizetin jumysshy toby qurylyp, jumys júrgizilýde, - dedi oblys ákimi Gúlshara Ábdiqalyqova.
Al, vıse-mınıstr Serik Qojanııazov Syrdarııa sýyn molaıtý maqsatynda halyqaralyq kelisim-sharttardyń jasalyp jatqanyn jetkizdi. Máselen, О́zendegi sýdyń az bolýyna baılanysty Qyrǵyzstanǵa О́zbekstanmen birlesip taýar almasý retinde aldyn ala elektr energııasyn jóneltilýde. Mamyr aıynyń sońyna deıin elimiz Qyrǵyzstanǵa 370 mln kv saǵat, al О́zbekstan 250 mln kv saǵat elektr energısyn berýdi josparlap otyr. Elektr qýatyn qyrǵyz eli tamyz aıynda qaıtaryp, oǵan qosa jaz aılaryndaǵy sý asa qajet kezeńde 370 mln tekshe metr sý jiberedi.
- Syrdarııa ózeni «Toqtaǵul» sý qoımasynda jınalǵan sý kólemine tikeleı táýeldi. Atalǵan qoımada jylyna 15 mlrd. tekshe metr sý jınalý kerek bolsa, bıylǵy jyly onda sýdyń kólemi 7-8 mlrd.-qana. Sol sebepti, qazirgi tańda О́zbekstan, Tájikstan, Qyrǵyzstan memleketteri de sý tapshylyǵynan qınalýda. Qyrǵystanda sýarmaly jerler az, alaıda olar elektr energııasyn óndiredi. Bıylǵy sý tapshylyǵy olardyń elektr energııasyn jetkilikti deńgeıde óndirýine múmkindik bermeýde. Sondyqtan olarmen aıyrbas negizinde sý alýdy kózdep otyrmyz, - dedi Ekologııa, geologııa jáne tabıǵı resýrstar vıse-mınıstri Serik Qojanııazov.
Sondaı-aq, Qazaqstan men О́zbekstan tarapy Tájikstan shekarasynda ornalasqan «Qaıraq qum» sý qoımasynyń jóndeý jumystaryna da qol ushyn sozbaq.
Jıynda Aral-Syrdarııa basseıindik ınspeksııasynyń basshysy Seıilbek Nurymbetov pen «Qazsýshar» respýblıkalyq memlekettik kásiporny Qyzylorda fılıalynyń dırektory Hamıt Bıimbetov sý tapshylyǵyna baılanysty aǵymdaǵy jyly Qyzylorda qalasy jáne árbir aýdan boıynsha egiletin kúrish daqylynyń rotasııasyn saqtaýdy baqylaýǵa alǵandaryn aıtady. Aýdan ákimderimen, sharýashylyq qurylymdarymen kelise otyryp, magıstraldy jáne sharýashylyqaralyq kanaldardy kezektestirip sý berý kestesin ázirlegen. Sharýashylyq qurylymdary ishki kanaldar men qashyrtqy júıelerin tazartýyna baqylaý jasap, sý berý maýsymy kezeńinde sýdy únemdi paıdalaný maqsatynda qashyrtqylarǵa artyq sý aǵyzbaýdy qadaǵalaý júrgizip keledi. Eldi mekenderdi aıaq sýmen qamtamasyz etý maqsatynda 45 shaqyrym bolatyn 8 kanalǵa sý sharýashylyǵy jumystaryn júrgizýge oblystyq bıýdjetten qarjy bólinip jumystar atqarylýda. Sonymen birge, oblystyq bıýdjetten eldi mekenderge 43 dana nasos qondyrǵylary satyp alý belgilenip, sonyń búgingi kúnge 8-i jetkizilgen.
Selektorlyq májiliste oblystyq aýylsharýashylyǵy basqarmasy basshysynyń orynbasary Aınur Tileýleeva sý tapshylyǵyna baılanysty egin sharýashylyǵyn ártaraptandyrý jumysy qolǵa alynǵandyǵyn jetkizdi.
Jıyn sońynda sharýashylyq basshylary pikirler aıtyp, sýdy únemdeý baǵytynda atqaryp jatqan jumystardy baıandaldy. Aımaq basshysy Qazaqstan Respýblıkasynyń Ekologııa, geologııa jáne tabıǵı resýrstar mınıstrliginen vegetasııalyq kezeńinde joǵarydan Shardara sý qoımasyna 2,7 mlrd tekshe metr sý kólemi túsýin qamtamasyz etý jóninde usynys bildirdi.
