Almaly aýdandyq soty JK ókili Janna Nurtaevaǵa qatysty isti QR QK 339-baby 1-bóligi «О́simdikterdiń sırek kezdesetin jáne quryp ketý qaýpi bar túrlerin joıý» boıynsha qarady.
«Sot Janna Nurtaevany Qazaqstannyń Qylmystyq kodeksiniń 339-baby 1-bóliginde kózdelgen qylmystyq quqyq buzýshylyq jasaǵany úshin kináli dep tanyp, 55-babynyń 4-bóligin qoldana otyryp, 1500 AEK mólsherinde, ıaǵnı 4 mıllıon 167 myń teńge somasynda aıyppul túrinde jaza taǵaıyndady. Aıyppuldy tóleý merzimi zańdy kúshine engennen keıin eki aı dep belgilensin», dedi sýdıa.
Eske salaıyq, Sulpak dúkeniniń mańynda aǵashtardyń kesilgenine qala turǵyndary narazylyq bildirgen edi. Jasyl ekonomıka basqarmasynyń baspasóz qyzmeti men Sulpak kompanııasynyń ókilderi osy jaǵdaıǵa qatysty pikir bildirgen bolatyn. Sol pikirinde «Arena S» (Sulpak saýda markasy) kompanııasynyń ókilderi aǵashtar kesilgen aýmaq kompanııa menshigine jatpaıtynyn málimdegen edi.
Keıinirek aǵashtardyń kesilýine baılanysty qala ákimdigi ókilderi pikir bildirip, 13 túp aǵashty zańsyz keskender jazalanǵanyn aıtqan bolatyn.
Bastapqyda qylmystyq is QK-niń 340-baby «Aǵashtar men butalardy zańsyz kesý nemese joıý» boıynsha tirkeldi. Alaıda keıin is QK-niń 339-baby ekinshi bóligine qaıta saralandy. Is boıynsha negizgi aıyptalýshy JK basshysy, ol jer ýchaskesin abattandyrý týraly kelisim jasaǵan.
