Búginde Shyǵys Qazaqstan oblysynda kenege qarsy óńdeý sharalarymen aýdandardyń 97,5% qamtylǵan. 2020 jylǵy epıdemııalyq maýsymda oblystyń 7 endemııalyq aýmaǵynda (Glýbokoe, Zaısan, Katonqaraǵaı, Kókpekti aýdandarynda, Rıdder, О́skemen qalalarynda jáne Altaı aýdanynda) kene ensefalıtiniń 21 jaǵdaıy tirkelgen. Aǵymdaǵy kezeńde oblys aýmaǵynda kene ınfeksııalarymen aýyrý jaǵdaılary tirkelgen joq.
Kóktemgi salqyn aýa raıynyń saldarynan bıyl kene shaǵýdyń epıdemııalyq maýsymy kesh bastalǵandyqtan, búginge deıin kene shaǵý jaǵdaılary az tirkelgen. 23 mamyrdaǵy jaǵdaı boıynsha oblystyń endemııalyq aýmaqtarynda kene shaqqan 1494 adam júgingen. Olardyń 502-si – 14 jasqa deıingi balalar.
Aýrýdyń aldyn alý maqsatynda kene ensefalıtine qarsy ımmýnoglobýlındi kene shaǵýdan zardap shekken 1320 adam aldy. QR DSM SEBK «Ulttyq saraptama ortalyǵy» RMK Shyǵys Qazaqstan oblysy boıynsha fılıaly Glýbokoe (Karagýjıha aýyly – 10 ga) jáne Ulan («Aıýda» demalys bazasynyń mańy -10 ga) aýdandarynan basqa, kene ensefalıtimen syrqattanýshylyq boıynsha endemııalyq aýdandarda «Respýblıkalyq deńgeıde sanıtarlyq-epıdemıologııalyq salaýattylyǵyn qamtamasyz etý» baǵdarlamasy boıynsha kenege qarsy óńdeýdiń kóktemgi týryn aıaqtaǵan.
Josparlanǵan 755 ga jerdiń 735 ga óńdelgen. Dálirek aıtqanda, óńdeý sharalarymen aýdandarymen 97,5% qurady. Aıta keteıik, Shyǵys Qazaqstan oblysy kene ensefalıti vırýsyn juqtyrýdyń «joǵary» qaýpi bar aýmaqtarǵa jatady.
Mundaǵy syrqattanýshylyq deńgeıi respýblıka boıynsha ortasha kórsetkishten 1,5 ese joǵary. Glýbokoe, Zaısan, Altaı, Katonqaraǵaı, Kókpekti (Samar óńiri), Ulan, Shemonaıha aýdandarynyń aýmaqtary jáne Rıdder, О́skemen qalalarynyń aınalasy kene ensefalıtiniń tabıǵı oshaqtary sanalady.
