Kóshet otyrǵyzý barysynda Nursultan Nazarbaev Qorynyń dırektory, «Astana Opera» qamqorlyq keńesiniń tóraıymy Darıǵa Nazarbaeva otyrǵyzylǵan kóshetter tamyryn tereńge jaıyp, bas qalamen birge ósip, jaınaı bersin degen tilegin arnady.
«О́zderińiz biletindeı, emen – uzaq ǵumyrdyń sımvoly. Ortasha ómir súrý uzaqtyǵy 300-400 jyl. Al mamyrgúl – kópshilik úshin kóktemniń, jastyqtyń, jańarýdyń nyshany. Kóshetter ǵasyrlar toǵysynda boı kótergen ásem astanamyzdyń kórkine kórik qosady», dedi ol.
500 túp emen aǵashy men myń túp mamyrgúl kóshetin otyrǵyzýǵa teatr ártisterimen birge Mádenıet jáne sport mınıstri Aqtoty Raıymqulova, Nur-Sultan qalasynyń ákimi Altaı Kólginov, «Astana Opera» qamqorlyq keńesiniń músheleri, «Samuryq-Qazyna» UÁQ» AQ Basqarma tóraǵasy Almasadam Sátqalıev, Eurasian Resources Group dırektorlar keńesiniń tóraǵasy Aleksandr Mashkevıch atsalysty.
«Búgin otyrǵyzylǵan emen bizdiń klımattyq jaǵdaıǵa beıimdelgen. Al mamyrgúl osy óńirde kóptep kezdesedi. Sol sebepti, kóshetter jaıqala ósip, alyp báıterekke aınalyp, elorda turǵyndary men qala qonaqtarynyń janyna saıa bolady degen úmittemiz», dedi «Astana Opera» teatrynyń dırektory, Qazaqstannyń eńbek sińirgen qaıratkeri Ǵalym Ahmedıarov.
