Qala ákiminiń aıtýynsha, osy jyly «Jumyspen qamtý jol kartasy» baǵdarlamasy 3 baǵyt boıynsha iske asyrylatyn bolady. Birinshi baǵyt boıynsha 5,5 mlrd teńgege 13 nysannyń qurylysyn júrgizý, ekinshi baǵytta 1,5 mlrd teńgege mıkrokredıtter berý, úshinshi baǵyt boıynsha 7,1 mlrd teńgege bıznes sýbektilerine qoldaý kórsetý qarastyrylǵan.
Osy atap ótken baǵyttardy nátıjeli júzege asyrǵan kezde 6,5 myń adam taza sýmen qamtylady. Sonymen qatar 392 jumys orny qurylady. Al ekinshi baǵyt boıynsha ortasha eseppen 4,2 mln teńge mólsherinde 6%-ǵa deıingi syıaqy mólsherlemesimen 357 jobaǵa berilgen jaǵdaıda 757 turaqty jumys oryndary qurylady. Sonymen birge, bıýdjet kiristerine keminde 45 mln teńge salyq túsetin bolady dep kútilýde. Baǵdarlamanyń úshinshi baǵyty aıasynda 70-ke jýyq jobalardy iske asyrý jáne 280 adamdy jumyspen qamtý josparlanýda.
