Senatorlar «Kvazımemlekettik sektordyń jekelegen sýbektileriniń satyp alýy týraly» jáne «Qazaqstan Respýblıkasynyń keıbir zańnamalyq aktilerine kvazımemlekettik sektordyń jekelegen sýbektileriniń satyp alýy máseleleri boıynsha ózgerister men tolyqtyrýlar engizý týraly» zań jobalaryn qarady.
Qujattar satyp alý salasyndaǵy zańnamany jetildirýge baǵyttalǵan. Ol úshin zań jobasynda satyp alýdy júzege asyrý ustanymdary men tásilderi, satyp alýǵa qatysýǵa baılanysty shekteýler, satyp alýdy josparlaý qaǵıdalary jáne áleýetti ónim jetkizýshilerge biliktilik talaptary belgilenedi. Odan basqa, satyp alý týraly zańnamanyń saqtalýyn baqylaý jáne tapsyrys berýshiniń, satyp alýdy uıymdastyrýshynyń, tenderlik komıssııanyń jáne basqalardyń is-áreketi men sheshimderine shaǵymdaný máseleleri belgilendi.
«Áleýetti ónim jetkizýshiden alynǵan jalǵan aqparattyń, sondaı-aq satyp alýǵa josyqsyz qatysýshylardyń tizilimin qalyptastyrý zardaptaryn retteıtin erejeler engiziledi. Ortalyqtandyrylǵan satyp alýdy baqylaý qyzmeti men quzyretti saladaǵy ýákiletti organ óz kezeginde kvazımemlekettik sektordaǵy jekelegen sýbektilerdiń satyp alý týraly zańnama talaptaryn saqtaýyna baqylaý júrgizetin bolady», dep atap ótti senator Erik Sultanov.
Senatorlardyń aıtýynsha, zań jobalaryn qabyldaý satyp alý júıesiniń tıimdi jumys isteýine, sondaı-aq rásimderdiń ashyqtyǵyn arttyrýǵa jáne sybaılas jemqorlyq qaýpin azaıtýǵa yqpal etýi tıis.
